在我細個的時候(到依家都係),有一個夢想, 就係可以玩網上揸香港巴士遊戲喇!但係當時我唔識搵,所以呢個夢想就變左空想。

     直至前幾日,我在youtube睇炒車片段的時候,我無意中搵到有段片段叫「MM2-37M」,我就好奇地去睇下la!我見到係一個揸香港巴士的遊戲,於是我就好似發左癲(誇張一下姐,唔好當真)咁去yahoo搵「MM2」。我查到「MM2」譯名係「瘋狂城市賽車2」,仲搵到個download連結添!我就download左MM2呢個遊戲la!但係,要揸巴士的話,就要download一些附加檔案(如巴士、地圖、巴士站等等),而我就開始download附加檔案啦!唉,原來我部電腦無哂位,又無法騰出一d空位。而最重要的係,以我的能力根本睇唔明d安裝步驟,搞到「一鑊泡」咁,我就放棄左。唉,咁大舊「叉燒」我竟然無份食......

      真係一場歡喜一場夢,我就當作一場夢咁忘記左佢la!我係唔係好豁達呢?(希望各位睇完呢句千萬不要嘔喔~)