今日個肚都係勁脹，所以做咗史上最狂嘅事
 一早起身就煮咗韓國個超辣面
實行來個以毒攻毒，刺激下個胃
食完，一行出門口，行都行唔到
之後就返屋企，一野隊咗一大啖whiskey
嘔返少少出來，舒服咗啲
就去行返學，再買咗個brownie同hot chocolate
潤一潤個胃，之後就去上堂
頂果堂其實我幾鍾意，但因為miss咗頭幾個星期
所以搞到catch up唔到，tutor叫我遲下去見佢
完咗vshow先算啦，之後上上下堂無啦啦就皮膚敏感
頂咗半堂，都係走咗
就去咗搵Ronald傾MC稿，MT又入埋來吹水
之後成班人一齊喺度睇參賽者啲片
又去咗睇dance crew跳舞，後尾Vicki同james入埋來
睇咗一睇，之後傾完MC稿，同Lucelle行返屋企
好慘好慘，呢條係屬於佢地嘅羅湖河，係三八線
跨唔過，解決唔嚟。何苦∼
之後又上咗otto度，一齊落街食少少野
基於本人個胃全日都好脹，只能夠買個酸辣湯飲
再隊啲橙汁，
話說呢個偏方OK，我個胃冇乜事了，雖然之後全日冇食過野
今日full rehearsal幾好呀！，真係！
佢地演員們都幾順暢，又幾好講對白，我都少咗好多嗌cut
真係唔錯，我都冇咁驚，為我打咗一枝強心針
但係星期五book咗場又唔係個個到倒，整到我有啲灰同嬲
不過好快就get over咗，後正鬧都冇用，唯有叫人再book場啦∼
其實今日rehearsal都很好很好，係Lucelle囉~XDDDDDDDD學人出走丫na:P
唉∼可能係因為壓力大先肚痛，
但真係冇理由，生理承受能力比起心理承受能力低真係第一次聽
不過一切還好啦，希望到果日就Good show到啦！