1. 去超級市場買飲品, 見到牛油果, 諗起個味道, 買左一個.

2. 六點訓醒, 發現自己冇食晚飯, 決定煮一餐晚飯當早餐.

3. 煲水, 落鹽, 落意粉(唔記得呢隻叫咩名), 大約落100克, 包裝寫煮8分鐘, 不過通常加多四分一時間先夠熟.

4. 牛油果去皮. 個牛油果好熟下, 冇人教過我點去皮, 我用刨刨左幾下之後, 先發現原來可以用手搣.

5. 我決定用忌廉芝士醬, 再唔用就變發霉芝士! 將醬用湯匙畢落碟, 放入微波爐中火叮熱.

6 想切牛油果, 發覺原來太熟係切唔到, 於是同匙羹畢一塊塊小塊出嚟, 呢一刻覺得佢好似一隻皮蛋.

7. 意粉煮熟, 隔水, 倒入醬同牛油果度撈勻.

8.落香草. 意大利粉, 香草係好重要. 為左令佢感覺更意大利, 我求其落左少少橄欖油.

9. 影相. 一次過食晒. 

10. 整杯野飲, 果汁先生溝益力多.

呢餐真係食七咁食........