平生至憎就係「講價」，今日竟然為左呢四份一個西瓜破格~~

「老闆娘，果舊西瓜幾錢？」

「十三蚊」

我望望身上得十二圓散紙，及一張五百圓，我就係咁樣破處，同一般情況一樣，過程都是極不愉快，極後悔...

「十二蚊得唔得？」

「嘩！睇你高高大大又幾好樣，一蚊都要貪下我？！」

我連忙想開腔解釋，但已被老闆娘搶了白

「十二蚊就十二蚊啦，我豪俾你！」

我把十二圓交俾佢，拿著西瓜，無言而對

「老闆娘！我以後會繼續幫襯妳！」

「係你先好講呀！呃人變醜樣呀！」

雖然我係醜樣，但我係天生，並不是後天經常呃人，但人生的誤會，總是無法解釋，要怪自己點解唔羅張五百蚊出黎，不如怪自己無端改變，但我如果我無「講價」，又點會食西瓜食得咁開心！