琴日去完ｃａｍｐ返黎，，勁攰。。

我地去左河流同樹林考察。。

第一日（７／５）

朝早，，８點荃灣地鐵站集伯，，好眼訓，，

有人遲大到。。

一去到曹公潭，，由本來好興奮變到一ｄ都唔興奮，，因為以前做義工黎過，，

不過０個次係ｄａｙ　ｃａｍｐ。。

跟住我地去聽野，，

聽完，，去上游同中游度呢樣度０個樣，，上游好鬼崎嶇，，好似變左去爬山咁。。

中游好好多，，但係我度野既時候，，隻蝦係咁搞我隻腳。。

ｌｕｎｃｈ，，唔∼ｄ野食幾好味。。

下午，，繼續上堂，，處理數據。。

夜晚，，７點去左觀星，，見到土星，，火星，，獅子座，，

雙子座，，處女座，，大角，，北斗七星等等。。好好睇。。

之後返去沖涼，，搵左勁耐先有得沖。。

首先，，我地０個層，，即係七樓，，好多人，，冇位，，

就同呀嬋佢地去左四樓，，好多人，，跟住去左一樓，，冇熱水。。

上返黎，，俾人昆左去二樓，，０個度其實冇架。。

最後，，算啦，，索性０係四樓等。。

幾經辛苦先沖到。。

之後，，慘囉，，做功課，，唔識做，，周媽媽訓左覺，，冇得問。。

不過問佢都無咩用，，我地最終搞到點幾２點先有得訓。。

第二日（８／５）

７點起身，，好眼訓，，

８點食早餐，，又再去上堂，，ｐｒｅｓｅｎｔ。。

ｌｕｎｃｈ之後去樹林，，勁多牛屎同蚊。。

好彩我唔係太惹郊區蚊，，冇佢地被蚊咬到咁嚴重，，

但係都係有蚊針我。。

幾經辛苦，，終於完成左陰森森林之旅，，個個都死傷慘重。。

返到去，，又係處理數據，，呀∼好煩呀，，又要畫圖，，真係想死。。

６點，，去燒烤。。

燒燒下，，有２∼３隻（好似）野狗出現，，其實唔知佢地有冇人養。。

我其實有ｄ驚，，因為佢地係野狗，，仲要有幾隻。。

有好多人都好驚，，宋小姐驚到喊。。

佢地之後就話無胃口食，，唔食，，就返左去。。

淨返我，，ｒａｉｎｉｅ，，＋蚊，，嬋，，ｃ希，，ｍｉｌｌ，，燕燕繼續燒。。

點知佢冇再出現過，，其他人都蝕哂。。

雖然我都驚驚地，，但係我發覺佢其實都幾乖下，，因為佢冇撲埋黎，，

佢只係０係度行黎行去，，好似等緊我地食完先黎搵野食咁，，

仲有，，當佢想行埋黎既時候，，我望望佢，，佢就即刻彈開左，，唔敢行埋黎。。

８點半食完，，返去沖涼，，去左四樓，，嘩∼冇人架，，勁開心。。

沖完，，買野食上去開餐，，又繼續努力，，

又係唔識，，問隔離組既人，，問完都係唔識。。

再去問，，燕燕努力緊，，所以等佢做完再教我地。。

０個時好似已經去到唔知１２點幾，，定係１點幾，，超眼訓。。

我就訓一陣，，佢地就玩ｕｎｏ。。

之後燕燕教我地啦，，終於識畫。。

我地完全唔再理ｄ咩比例，，係咁畫左佢算，，搞到２點幾３點先訓。。

ｚｏｉｅ成４點幾先訓。。

我記得我訓訓下，，我見到ｚｏｉｅ同＋蚊，，０個時４：０３

但係＋蚊話佢２點幾訓左，，冇起過身，，咁究竟係邊個呢？！

答案係，，０個個可能係燕燕，，我睇錯左做＋蚊。。

第三日（９／５）

又係７點起身，，唉∼勁眼訓。。

聽燕燕講話，，呀嬋訓訓下，，冇啦啦坐左起身，，話唔知咩野，，

燕燕就行過去問佢咩事，，佢話好熱，，之後燕燕就開大ｄ個冷氣，，

呀嬋訓返落去。。

但係呀嬋完全唔知有呢件事發生，，好好笑。。

食完早餐，，去做ｌａｂ。。

ｌｕｎｃｈ之後，，ｐｒｅｓｅｎｔ。。

４點幾終於走得啦，，好開心，，可以返屋企。。

我地０係地鐵度玩ｕｎｏ，，我做人肉自動枱，，超好笑。。

返到屋企，，執野，，然後即刻沖涼訓覺。。

由６點幾訓到今日７點幾，，起身返學校補課。。

好攰呀，，我仲未訓夠架ｍａ。。

所以我而家係好眼訓架。。

呢三日兩夜就係咁樣過，，所以你唔好以為好好玩，，

其實一ｄ都唔好玩（除左觀星），，要做功課。。

ｐ.ｓ.不過我覺得上游０個度，，攀石都幾好玩ｇｅ，，夠哂ｅｘｃｉｔｉｎｇ。。