今日考中英文listening+中文說話..

我等到4點幾..5點先考..

本來唔緊張..但係愈來愈近既時候..加上d人係咁講..就搞到我愈來愈緊張..

好勒..去考勒..

條題目係「中學階段有不少學生組織、社、團體等，你認為作為其中一個領袖需具備甚麼條件?」

呢條唔算難..但係唔可以話好易..

不過我都諗到4..5點到la..但係我諗唔到例子..就諗算la..唔理la..

之後0係出面等緊既時候..我已經放鬆左心情..組織好哂點講..就諗住..「好la..豁出去la..衝呀..」咁樣..

但係點知入到去..開頭都ok ge..我仲見到司徒0係度笑..我諗應該同之前0個d人既開頭差唔多..

點知真係..我同娟娟0個個係差唔多架..

之後愈講就愈緊張..d野就愈來愈亂..就黎唔知自己想講咩..可以話有d詞不達意..

同埋中間仲痰上頸..咳左一聲..之後仲發覺自己講野有d震..

跟住就係咁樣亂下亂就淨返22秒到la..就收尾走人..

果然真係3分鐘好快過..就咁完左..司徒冇呃我地..

我走0個時..先知道原來自己係腳軟架..

其實0係講既時候..望住司徒係好大壓力..佢成日都皺住眉頭..

劉x恆就好好多..佢有少少既微笑同點頭..望住佢講野輕鬆d..

但係因為一早已經緊張左..所以望住佢講..都係窒架..

同埋我發現左個定律..佢地係輪流望你..

司徒望既時候..呀劉就寫野..呀劉望既時候..司徒就寫野..有d搞野..

唉~

而家唯有咁安慰自己:

算把la..已經過左去架la..唔好再諗..bygone is bygone..

今次都係第一次考啫..之後仲有好多時間練好佢ge..

加油啦..到時唔好再咁緊張..放鬆d..放膽去講la..

唔..fighting!!