尋日Miffy做節育手術, 点知獸醫發現Miffy懷孕咗五個星期, 肚裏面有五隻未成型嘅小狗. 冇辨法之下Miffy要做埋墮胎手術  不過我同Paul都冇能力(時間同金錢)再養多幾隻狗.
我要係呢度為Miffy五隻未出世嘅小狗節哀. 
係動物醫院到等完又等, 終於等到可以接番Miffy番屋企, 不過因為麻醉藥嘅關係, 佢完全一啲反應都冇. 我同Paul尋晚都係瞓吓醒吓, 因為我哋將Miffy攞咗係我哋張床嘅中間, Miffy成晚都唔舒服, 因煀啲藥力開始退, 佢開始覺得痛. 我哋兩個都好唔開心, 佢痛時我哋都痛, 又幫佢唔到. Miffy傷口都幾大, 佢暫時唔可以跑同跳, 上落樓梯都唔得. 佢又冇胃口, 醫生叫我哋煮熟雞肉俾佢食.
成個手術總共£330.00 (等於HKD5000), 真係好貴, 我同Paul都要做番多啲OT幫補番, 所以Paul係聖誕日同Boxing Day都要返工
前幾日睇報紙睇到關於高琳琳的日記 ~ 一個只係係呢個世界上生存咗只有九日嘅BB的日記. 雖然生命只係好短暫, 但係佢啟蒙咗好多人. 我睇完篇日記都喊咗出來, 想睇及留言的話, 請上呢個綱誌 http://www.speech.com.hk/kolamlam/index.htm.
都有少少開心嘅就係尋日亦都係我公司嘅聖誕午餐聚餐, 食就唔係太好食, 不過我收到狗狗毛公仔, 全公司同事都叫隻公做Miffy No.2 
|
