首先今日係我嘅好朋友Joanjoan生曰, 雖然今朝已經打咗電話俾佢, 但都係呢到送上最真至嘅祝福

希望真係好快可以係二月見到你同阿Chu嚟英國探我啦, 然後一齊去西班牙, 好期待呀

呢幾個月點解冇寫, 其實有好多原因. 我嘅三姨係七月尾過咗身, 跟著我又擔心我阿媽可能有Cancer. 我哋咪即係揾地產公司放盤, 將屋企多餘嘅嘢同埋我部電腦都賣咗出去. 所以咪冇寫囉. 但係經過三個月都冇人睇樓, 附近嘅人都賤賣, 同埋大家都知席捲全球嘅金融海嘯, 而我阿媽又冇Cancer, 所以我哋決定唔賣住, 唔走住. 而且過多一年, 我就可以申請英國永久居留權, 過多兩年就可以攞英國護照. 屋企人同朋支都叫我等到攞哩護照先. 所以我唸我哋大多數都會等埋呢兩年再睇吓當時嘅經濟好番哋咪, 再作決定. 依家咪將間屋整番似間屋, 之前唸著走搞到間屋周圍都亂哂. 依家整咗張檯仔, 將阿Paul嘅laptop據為己有, 所以最後終於都可以寫番blog啦!!

呢個禮拜都好開心, 我阿妹上個月去咗曰本旅行, 佢去迪士尼買咗好多Minnie嘅嘢俾我, 我係今個禮拜收到, 所有嘢都好靚, 好得意, Thank You Sis. 我亦都收到Stella McCartney X Lesportsac嘅backpack, 我去綱上揾到人係美國幫我代買, 加埋郵費都係大約$130. 個袋原價$295, 但係依家on sale, 75% off, 但只係for 美國local, 所以我揾人幫我買, 佢只收我$4手續費, 好平呀.

係咪幾靚呢

我同阿Paul都pass咗ECDL (Europen Computer Driving License), 下個禮拜五去攞証書, 但係分數竟然俾我高過佢, 嘻嘻我叻啲

下個星期六我哋會去London嘅MCM Expo, 類似香港嘅動漫節. 而且俾我book到£2來回巴士, Paul同我都好興奮, 好期待. 呢個Day Out係補償我哋今個月嘅七週年結婚記念日. 因為Paul係正日攞唔到假, 所以咪係下個禮拜六去London補番數, 當然下個禮拜除咗去展覽會之外, 我哋梗係會去ChinaTown食番餐好嫁啦.

最近嘅台戲, 當然係推介由楊丞琳同潘瑋柏嘅"不良笑花", 真係好好好好笑嫁, 暫時播到第六集, 一定要睇呀!!!