因為之前貪得意參加咗抽獎而得到十二張Thorpe Park 嘅免費入場券. 所以今日約埋咗成班人去玩. 之前好worry 天氣唔好, 不過天公做美, 成日都出太陽.

我嘅推介 :

1) Stealth - 一句講晒, 快同高. 真係好快. 兩秒之內達到時速八十英哩, 軌道最高點離地六十三米,由起點到終點只需十五秒.

2) Tidal Wave - 無論你坐邊一個位都會成身濕晒. 係由頭濕到落隻腳. 我哋個個玩完都濕到好似跌咗落水.

大家都全身濕晒, 除咗我之外 我縮埋一嚿同埋我件衫有帽, 所以我只有背脊濕. 我咪負責影相囉

3) Colossus - 好多圈, 軌道有八百五十米,一共有十個迴. 包括三個大迴環和五個連續小迴環. 不過最唔好就係兩隻耳仔係甘左右两邊撞落張櫈到. 個個玩完都正係話耳仔好痛.

4) Logger's Leap同埋Ribena Rumba Rapids - 我本人都係最鐘意有關水嘅遊戲.

終括成日嘅行程, 都係一個字 : 濕  返到屋企衫褲鞋襪都仍然係濕嘅.

不過兩個月之前先同Paul去咗另外一個遊樂場Alton Tower, 都係Alton Tower大啲同好玩啲.