我同Paul今晚打邊爐嚟慶祝2007年嘅本來臨. 上星期日去咗倫敦唐人街買今日打邊爐嘅食物, 賣咗魚旦, 牛丸,  墨魚丸, 烏冬, 白菜仔, 金茹菜, 豆腐, 冬茹(好貴呀, 一包得十幾隻賣£2.50 = HKD35)等等...我哋亦係唐人街食咗一餐好豐富嘅平安夜晚餐.

我係倫敦牛津街嘅Top Shop買咗件狗仔衫俾Miffy當聖誕禮物, 要成ニ十鎊嫁, 係咪好靚呢

聽日我哋兩個都要返工, 但係我點會等到過咗十二點先瞓覺.

我哋上星期五將我哋間屋放盤, 希望好快賣得出, 我哋諗住搬去Southampton, 同埋買間大間啲同平啲嘅屋.

我哋都諗住搬咗去Southampton之後會轉工, 我同Paul都唔係好鍾意依家做近嗰份工. 祝我哋好運可以好快搬到屋同轉到工.

祝大家新年快樂!