今曰係我同Paul六週年結婚記念曰, 我哋冇乜特別慶祝, 我只係煮咗牛扒當晚餐, 仲有前菜同埋甜品囉. 我哋唸著留番啲錢去到米蘭先買嘢. 好開心, 仲有兩個禮拜就出發啦, 不過講真到依家都未編排行程, 只係訂咗機票同酒店

工作真係非常之忙, 成張檯都堆積如山, 不過好彩唔駛加班, 我上司成日同我講 "Don't panic, you can only do what you can do!" - 長命功夫長命做喎.

夏季曰劇想追嘅已經做完, 冬季嘅未開始兼冇乜特別有興趣想睇, 所以走咗去睇台劇, 暫時睇緊"換換愛", 非常好睇.

另外追緊兩套剛剛開始做, 都係改編自日本漫畫, 就係"公主小妹"同埋"美味關係", 都係值得推介.