去完米蘭番嚟都成個月, 但係因為好忙, 好懶所有冇上嚟寫. 

總括嚟講, 如果5分係滿分嘅話, 呢次旅行只得2分, 可能我哋冇點編排, 5日係米蘭實在太多, 冇地方好去. 我未去Milan之前, 唸住Milan會係一個高貴, 時尚嘅地方,點知完全相反

成個行程, 最大收獲都係去Foxtown Outlet (係瑞士)買咗1個Gucci袋(真係好平因為價錢係瑞士法朗)同埋3對Nike波鞋, 加埋都唔駛£200.

近來仍然玩緊Facebook, 揾到好多舊同學, 好多都成12年冇見過. 有啲完全冇變, 有啲就完全變晒, 不過真係好開心可以見番佢哋. 雖然學生時代有唔開心嘅時候, 但我唸開心嘅時侯係多好多, 最重要嘅係呢啲會永遠留係我嘅回憶裹面.

英國近幾曰非常之凍, 夜晚通常得番2,3度, 但我吔都冇開暖氣, 因為我對暖氣過敏

Paul終於搵到新工, 佢搵咗成年啦佢份新工會係Specsavers IT部門做嘢, 人工同依家呢份工一樣. £20000一年+花紅, 不過就近屋企好多!!

Snuffel兩個禮拜前做咗節育手術, 佢做完手術第二曰已經跐跐跳, 等我仲擔心佢所以請咗一曰假留係屋企(浪費咗我一日嘅大好假期). 人人都話做完節育手術嘅狗狗會乖好多, 但係呢個理論係完全唔可以用係Snuffel身上, 佢完全冇變, 一樣係成隻失控嘅火箭