就快到聖誕啦, 我巳經擺咗棵聖誕樹出嚟. 前幾曰收到Paul爹哋媽咪寄嚟一大箱包裹, 全部都係我哋嘅聖誕禮物, 連Miffy同Snuffel都有. 我都準備咗4份禮物俾阿Paul, 唔知佢會買咩俾我呢?

前幾日去咗第一個聖誕晚會, 係我公司攪嘅. 我同Paul一齊去, 我仲安排佢坐係我一個荷蘭同事隔離, 等佢冇甘悶. 我哋兩個都好enjoy.

下星期四係我部門嘅聖誕敘餐, 老細請嘅. 跟著星期五有技術員嘅Skittles Party, 即係打舊式保齡加自助午餐, 佢哋都叫埋我去.我係唯一一個女仔去, 其他女仔都冇興趣喎

另外下星期日我同Paul係我哋屋企攪咗個聖誕Party, 大約十個人. 佢哋會係我哋屋企打機 (Nintendo Wii), 我地有好多Party game. 跟著我會煮飯仔俾佢哋食(好努力係網上揾食譜)同埋交換聖誕禮物. 聖誕Party完咗之後, 我一定會Update個Blog.

再返多2個禮拜大學就關門過聖誕, 到1月2號先開番, 即係我返工返到21號就唔駛返, 到2號先要再返工. 雖然有好多假, 但係Paul一樣要返工, 又冇錢, 我唸都係留起企㷛電視劇, 大把台/曰/韓劇未睇, 趁住個假期睇晒佢.

暫時仍然沈迷於"FaceBook"......嘅小遊戲  我同Paul成曰係到鬥高分. 不過Facebook真係好鬼勁, 我連中學教英文嘅老師都揾到仲add埋佢

講番台劇(暫時仲係睇緊台劇, 呢個冬季未乜曰/韓劇我鐘意睇), "公主小妹"仲有一集就做完, 同漫畫完全一樣, 不過俊男美女真係好睇. 另外剛剛開始做嘅"鬥牛,要不要"由賀軍翔同Hebe做嘅, 非常值得推介. 呢2套劇啲歌都好好聽, 尤其係張韶涵 - 不想懂得, Tank - 鬥牛,要不要同埋She -  最近還好嗎, 請欣賞.