啱啱過咗嘅復活節假期, 我同Paul請多咗幾日假揸車返咗荷蘭一趟, 逗留咗三日, 主要都係shopping (返到英國check statement先知道歐元勁高 £1=1.25 Euro, 樣樣嘢都變得好貴呀).

我地回程有2架車, 因為阿Paul嘅屋企人同我哋一齊返英國玩一個禮拜. 我哋去咗Portsmouth 同 Isle of Wright. 其實整個假期我同阿Paul都完全冇Holiday feel. 每日朝早六點就俾阿Paul兩個姨甥整醒, 跟著又要整早餐俾7個人食, 早午晚三餐大部份都係我哋出錢, 真係出錢又出力. 好慶幸佢哋終於係星期二走咗. 成個假期我都傷緊風, 但完全冇時間去休息同Recover, 佢哋走咗之後, 我終於病低咗. 不過休息咗三曰冇返工, 依家已經好得七七八八啦.

我哋前兩個禮拜買咗部PS3, 啱啱上個星期係Ebay Bid咗個Rock Band game返嚟, 應該下個星期就收到. Rock Band 照譯即係搖滾樂隊, 呢個game裹面包括一隻咪 一套鼓同埋一個結他, 可从揀做歌手, 鼓手或者結他手, 我巳經決定咗做鼓手, 因為我想打鼓, 希望下個禮拜可以玩到

另外我哋都有Nintendo Wii, 我已經預訂咗Wii Fit, 歐洲版會係4月25號出, 好期待呀, 不過好貴...要成£60.

仲有阿Paul送咗部粉紅色嘅Nintendo DS Lite俾我做生日同埋情人節禮物, 我哋真係完全唔駛出街, 剩係打機都有排打.

"鬥牛要不要"己經做完, 我依家只係追緊一套台劇"這裹發現愛", 要睇吓4月有咩新日劇,韓劇啦.