上兩個星期六, Paul毛端端同我講不如又搬囉, 我話唔係呀, 又搬!?!? 佢話搬番香港好唔好, 我即刻話好, 求之不得潻!! 呢兩個禮拜我都係到唸, 都係搬返番香港好. 不過冇甘快呀, 要等到英國嘅樓市好返啲, 賣得出我哋間屋先可以搬返HK!! 唔知要等幾耐

 剛剛嘅星期日, 因為有免費戲飛, 所以同Paul去咗睇"Iron Man", OK嫁, 我俾３分半(５分滿分).

我部Wii Fit上個星期到咗, 幾好用/玩, 依家keep住每朝做/玩30分鐘先去返工, 暫時嚟講我覺得係work嘅.

講返台劇, "這裹發現愛"去到十一集開始覺得好鬼悶, 冇乜與趣追落去, 反而另一套本來冇唸住睇, 但係經Cecilia Chan推薦之後走咗去睇嘅"命中注定我爱你"就非常之好睇, 個故事好似我平時睇開嗰啲台灣言情小說, 值得推介, 每個禮拜都好期待下一個星期曰快啲嚟, 因為套劇係星期日做呀!

我哋今個月尾會係屋企攪BBQ, 歡迎大家嚟燒嘢食, 不過我哋係唔會包來回機票嫁