頭先睇完方怡姐的06回顧.....依家又打番篇先

今年可以講係我12年黎最開心的一年......

最大的轉變係由一個小學生變一個中學生......

由一月擔心到七月.....唔知入到邊間呢?到依家享受何中中一生的生活....

其間有喊過...有笑過........

記得.....6年班係我唔多開心的時期......

體會到俾朋友出賣......俾人忽略......

個種心情....真係好難受......係我人生中第一次喊到收唔到聲....

亦係我人生中第一次傾電話傾到喊.....講真果句....我無嬲果班friend....

一d都無嬲.......因為我真係當佢地係朋友.......我一直都覺得..一日係朋友...終生都係朋友...

不過果件事之後......我發覺.....同佢地無可能係交心的朋友.....

但係都仲有一齊玩.......畢業果陣都有因為唔捨得而喊........

諗番起伍季明....其實我好鐘意呢間學校......

好鐘意d老師......(當然有d係乞人憎d ga)......好鐘意d同學.....

都好鐘意六智果班同學仔~我地一齊玩...一齊去教育營...一齊合作屈阿sir請食野....仲記得陸運會...win左個個都開心..lose左個個都唔開心......叫口號叫到個個把聲沙左(有d人無)

因為我地係一體......講真丫....

我地班好少邊個憎邊個.........契媽契哥契姐就大把...哈哈~好懷念ar~

不過時間無可能倒流.....雖然依家大家分開左~但係六智精神係永遠唔變ga~

哈哈~諗起放榜個日幾好笑....阿媽係超緊張lo.....諗定唔得ga話去邊間叩門.....

女校都殺(打死都唔想入女校，因為無靚仔~哈哈)....一知我入到何傳耀竟然叫我去試下荃官.......

不過梗係無la~我自問就算俾我入到......我都捱唔到la......

依家幾好丫...何中都幾輕鬆~上堂唔洗聽書ga~哈哈

七月八月都幾忙....要上咩銜接課程....悶到嘔..哈哈~我仲係同阿哥一班tim~第一次見佢感覺係......

兩個字:飛仔..........哈哈

.....最驚上英文果個...

因為佐治叔好恐怖.....

不過呢~入左何傳耀最開心ga係識到方怡姐,Ling姐,Stella,Miki姐la~

有佢地~我渡過左開心的4個月~哈哈

講完學校.....講下屋企la~

5,6月果陣我多左2個囡囡,兩個囝囝ar~(4隻貓BB)

好可愛~如果問我最鐘意邊個.....我最鐘意查理斯王子~

因為佢真係勁可愛~我可愛的王子喔~不過佢送左俾人喇....

真係好掛住佢....唔知佢依家幾大呢??應該同囡囡佢地差唔多掛~

阿婆呢一年好多病~希望佢好好保重身體la~

下年搬屋喇~好開心~哈哈...如無意外~

搬左之後...我會同方怡姐一齊搭車返屋企~yeah~

7月6月至9月呢3個月.....我唔會忘記一個人lo........

雖然同佢都少左聯絡~不過好多謝佢o係呢3個月入面俾我一個開心的回憶~

好對唔住ar~呢3個月俾左咁多氣你受...哈哈...而你又肯容忍我wo~真係好多謝你~

今年係美好的一年喔~雖然有唔開心的野~不過點都好~

開心係多過唔開心ga~祝有睇我呢篇野ga你~無論今年開唔開心都好

下年會開開心心..快快樂樂~Ｈaｐpｙ　Ｎeｗ　Ｙeａr~