講個故仔俾大家聽丫

一個好平淡

好無聊ge故仔

從前有個女仔

佢好細個果陣無左爸爸

就算有都好

都唔叫係爸爸

因為呢個所謂ge爸爸可以為左3000蚊而唔要個女

果時

個女仔仲未識性

咩都唔知

之後，個女仔ge媽媽又搵到個好爸爸俾佢

個爸爸唔理個女係咪佢親生ge

都好錫佢

個女仔一直都覺得自己好慘

唔想人知佢ge生世

唔想人知佢屋企窮

唔想俾人笑

所以一直都隱瞞住呢事實

個女仔好想變得有自信

唔想俾人睇唔起

都好介意人地點睇佢

6歲ge時候

媽媽為左俾佢學鋼琴

一直都好慳

雖然個女仔唔係咁鐘意學

但係佢知媽媽ge心意係想佢有一技之長

4年班ge時候

更加保護自己

個女仔有好多朋友

但係全部都無一個可以交心ge

傾心事ge更少

五年級有一段唔開心ge經歷

個女仔喊喇

將咁多年唔開心ge野一次過喊曬出黎

但係從5年級開始

個女仔開始變喇

佢明白到世界上大把人不幸過佢

佢ge笑容開始多喇

變到每行一步都有自信

因為佢覺得

無左親生爸爸可能係一件好事

因為依家有人錫佢

佢已經好開心喇

冇人會同情同可憐一個無自信ge人

過去已經係過去

只要明天更好就得喇

6年級以後

家境好左好多

雖然個女仔依家唔係好有錢

但係佢心靈上已經係好滿足同富有喇

佢明白到富唔富有唔係睇錢

係睇心ge

佢上到band1中學

識到更多人

有左知心ge朋友

以前係點佢都覺得唔重要喇~~

雖然呢個女仔仲有好多缺點

但係佢已經一直努力慢慢咁改

請大家繼續包容佢la

今日個女仔13歲喇

知唔知佢個生日願望係咩?

佢想日日都係笑住過

開開心心

抬起頭迎接每一日

好想快d大個照顧13年黎都咁辛苦同愛佢ge媽媽~

個故事係咪好無聊呢

不過都多謝你地浪費你地ge時間去睇

日記o係後面~~