今日冇咩想講

都唔想講野

尋日唔多開心

唔單止某一班人啦下

仲有果d咁好ge屋企人

哈

真係幸福呀我

今日係自閉日

哈~~

心情一唔好就玩自閉係我ge習慣

反正我咩人都唔想見

咩野都唔想聽

要我發脾氣，不如玩自閉好過

今日邊個add我都唔會應

除非我有興趣啦

聽緊鐘舒漫ge得一個

哈

幾有feel wo~得一個...自己一個人

搞到我鐘意左呢隻歌

唔想玩跑

冇心情

所以寧願打多d野

尋晚係度諗番d童年回憶

冇爸爸ge童年回憶係點??

哈

幾有趣丫

你試過連床都冇得訓未?

應該未啦

我試過.....成年都冇床訓

不過都未算最慘啦~

其實.....呢d野都唔算慘丫

最少，係我ge人生入面

有d野你未試過未做過

我都做過

我以前細個有隻熊熊

我好鐘意

陪左我好多年

只要有人話佢污糟呀...要送佢去垃圾房呀

我就會喊架喇

我唔開心就係自己一個人攬住佢偷偷地喊

我會同佢講心事

係一生入面最好ge朋友

最少.....佢唔會令到我唔開心

最後....有一次

呀媽趁我去左呀婆度就送佢去垃圾房

我冇喊

因為....冇野俾我攬住喊

哈~~果時ge我真係天真呀

不過係最開心ge

我比較鐘意偷偷地喊

好奇怪喔呵??

算係自我保護心態ge一種掛

唔打喇

我驚我再諗落去會諗到一d我唔想記起ge野