這篇網誌應該有點長吧!
本想改名為《小丸子爺爺》但後來發覺好像不太貼題了哈哈

先說說第一部分吧
說真的 馬會的確是一份很不錯的工作
工時短 時薪高 不太勞動
不過對於我這類最愛想「為什麼」的理科生而言
我不禁想「為什麼人家來賭錢 又不是我錯 卻要聽人家唱粗口歌?」
當然 我是明白和了解他們唱粗口歌的原因
可能是習慣了 可能是我真的做錯了 可能心急 可能出氣
我是接受的 我也明白我的人工也包含其中了
但我在想 於我而言 小賭怡情是可以的
但每次也500幾900甚至1000,2000時
而我知道他/她的戶口只餘下幾塊錢時 我不禁想
意義在哪?
我當然知道可能這戶口不是他/她的所有身家
但聽到他們每次也要買到盡之時
我禁想幫馬會倒米:「不如你收手喇 唔好浪費血汗錢喇」
不過算吧 直至今天我也帶著去坐牢的心態去上班
今天有個很可愛的來電 我就把那位伯伯叫作「小丸子爺爺」好了
他真的很可愛 有別於其他賭家
「啊!係 唔該哂!第2場呢 就係咁既 二串三喇 跟住呢..係!岩!唔該哂啊小姐」
這是我一直以來聽過最好聽的一把伯伯的聲音
自我出生 爺爺已經到了美滿國度 而公公就只會一年見面數次
對於這年幾的老人家和伯伯 一直沒有太大的感覺
雖然那一刻不是有找到爺爺的感覺 只是覺得他也太可愛了吧?
我更想起班主任說過一個黃金比例 2:8
就如成功的人佔全球人口20% 普通人佔80%
我們用來幹有用事情的時間佔20% 無聊的時間佔80%
大概好的賭客是20% 差的就佔80%? 我想是吧!
其實 我們都只不過是賭客(這可會是下一篇網誌的主題呢 賣賣關子^^)
還有 我想到這工作的意義 大概不只是錢 就是要證明給父母知道
我是吃得苦 我長大了 不再是他們眼中的溫室小花 就算的確如此 也是有刺會保護自己的玫瑰吧?

在治癒失戀的日子裡 你可以叫自己去忘記一個人或者不要再想他
但其實當我們提醒自己別去想之時 其實又同時提醒自己想起他
早陣子實在太忙 忙得想把馬會工作辭去
昨晚太累了 太累了 我又會作惡夢
不是有鬼被人殺死那種 而是面對自己最赤裸的想法
說實話 忘記一個人是沒可能的 特別對方對自己有着某些影響力
我只會叫自己放下一段沒開花沒結果的感情
將情緒的控制權再度取回來
昨天太累了吧 我竟然夢見學校的同學 同級也有 高級的也有
總之就是怪怪的 我跟一班女孩子等洗手間 當中也有你的新target
洗手時 不知道跟你的新target在搶什麼 我不禁仇視她
她問我:「到底我搶左你啲咩?我欠左你啲咩?」
我竟然有如潑婦罵街般說:「你搶左我既愛囉!」
然後我就氣充充地走了 不一回兒就醒了
夢是很可怕也很可愛的 大概我要去學解夢了哈哈
btw 今天到馬會上班 坐到你朋友的旁邊(不是target呢哈哈^^)
我們笑了笑 還一起吃飯 一直假裝不知道她是同校舊生
更不知道她是你的朋友
直至另一位同校朋友提到 我才假裝剛剛知道
我一直固意表現出我生活得很好很忙很快樂
大概這位新朋友在我心中的身份是你的朋友
不過 想了想其實她也可以有其他身份
就如馬會認識的同校朋友 這樣想 心就放開了
我跟她說了很多低能事 笑笑說說又一天 很愉快真的很愉快
慢慢地 我也走出了圈圈 不再令思維狹窄了 心也放開了
好! 要好好完成餘下數天的馬會工作!
然後好好到韓國作一個洗滌心靈之旅!
我很好我很好我很好yes!!!
明天的中醫interview要好好加油!
不要再多想結果 我只知道我有為理想出過力盡過力 回頭想起也是甜甜的!
早點睡 好好看看醫書yes! 今天很快樂
祝我最愛的男人爸爸節快樂   其實最愛我的就在身邊
人人都只得一個心 但不只喜歡一個人
喜歡一個人很累 我會小心去選值得我去愛的人 放心:)

從沒有部署地 只懂愛你 我太大意
算了吧 這個人 多虛假 放棄吧
算了吧 這段情 要作罷 結束吧
原諒你變卦 我也懶說話
難道要痛痛快快罵你嗎
算了吧 愛過吧 痛過吧 散了吧

 

今日既進度唔錯 就比自己出下文先哈哈
今次靈感來自高登大家庭 所以在下會嘗試扮下高登講野方法
希望唔會講到1999哈哈

高登巴打成日話自己圈子細識唔到女
之後就安慰自己「其實毒拎一個更開心」
跟住就話自己識唔到女仔既原因係
「矮畢窮住公屋」
跟住就日日都只可以ff同埋係到諗女神
作為一個剛剛開始上高登既人(絲打?)
局外人總係睇得通透啲既哈哈

睇過有篇文又係講男追女同女追男既不同
首先 男同女最唔同既地方就係(只係大部分)
女係會較易比男去打動
相反 男就好難比女打動
點解咁講?好簡單
女仔可以由唔中意你之後比個男既狗衝又好點都好
只要男既比心機去追又加多少少技巧 其實追一個女仔就只要令佢感動就得
相反 男仔如果遇上有個女仔狗衝
第一 佢唔會感動 只會覺得煩
第二 第一印象真係好緊要 對個女無feel就係無feel 唔會想多談一句>>避
雖然人人都話「男追女格重山 女追男格重紗」
但係我希望覺位巴絲要諗埋最後得到既關係維持到幾耐
黎得快去得快啊
拿 我想講既唔係男追女定女追男既問題
而係想帶出 毒男話跟唔到女仔根本係藉口 當中有好多壓根兒既問題要解決
只要解決到 就可以知道點解街上有啲又矮又畢又窮都可以拖住個正妹哈哈

雖然我唔係100%肯定「畢」既真正意思
但我就試下用文言文方法去估應該解唔靚既意思卦?哈哈
btw 真正既毒拎 跟據高登巴絲所講 應該係要係成個油人咁 由頭油到去尾 總之就XxX
在下意思唔係話呢d人咁樣唔掂
而係試想想 你自己見到個咁既人 你自己都唔敢同佢fd 仲講男女朋友 咪ff喇哈哈
其實如果有呢d問題真係要立即解決 如果唔係就真係好多問題
唔單止交友 就算見工返學面試都係一大問題
除左令到人地對你既感觀唔好 其實自然自己自信都唔好
如果你話你係窮拎 我諗買個青瓜/蘆薈應該唔係太貴卦?
總之 呢個世界無做唔到既事喇yeah

關於窮同住公屋呢個問題 其實唔係問題
(慘慘慘 開始講到1999哈哈)
有人話有私樓有錢=有好多女
無可否認 呢個係事實 true but sad
不過 跟據高登巴絲 佢地將女仔分為2類
用錢買到既女 同用錢買唔到既女
可能有人會話我傻 但係我覺得下面既野都算係有d logic^^
如果你有好多錢 你有好多女 但係你得到既只係貪錢既女 而唔係同你共患難既女
相反 如果你唔係太有錢 你有既女斷估都唔會係貪錢卦 所以應該係真係愛你真係可以患難
至小 比貪錢既多
所以窮拎可以將尼個睇成一個優勢
有錢拎都唔好以為自己有好多女好叻 因為呢個世界唔只你一個有錢
比你有錢既厹有大把 呢d女認錢唔認人
不過你地都唔洗太傷心覺得有錢就會無真愛 只要用心等待就一定會出現

分析左小小問題 雖然真係好1999 但係我得出左一個結論
其實高登巴打真係唔差 但係就係欠缺左一份自信
佢得擁有好多女仔喜歡既幽默感 只要簡簡單單汁返整齊
講野有返小小自信 自然就唔洗成日ff 而係實踐
以後就唔洗唱「情人沒我份喇」哈哈

終於打完喇 好din比以前更難打既一篇文
要為用而用高登用語真係好辛苦痴痴地哈哈
btw 完成左挑戰性咁高既blog真係好好笑哈哈
放心喇 我唔會中毒深既 因為宜家開始開行左個turbo開始忙yeah^^
btw 下一篇做返正常既我 做高登仔打野成日要用術語仲難過打文言文
so tired!yeah!好快出文!


周柏豪真係好多兵歌 呢隻應該算係最中喇卦哈哈
扮高登真係好辛苦唔係講笑哈哈
 

意想不到地竟然有外傳
意外地從instagram找東找西發現到一點怪東西
大概你已經找到新target
雖不是十分肯定 但於我而言是真是假也不是太重要
因為這是一個更強的力量去說服自己放下shxt man
為了找新文章的靈感和了解真毒人的心態
高登這個所謂的鬼地方我也到了幾遍
總之 獲益良多 晚些會再分享分享
先說說shxt man
不經不覺已經一個月了 自從那次的不冷靜後
我沒有再找你了 大家也沒有再談無聊話
這一個月的確的確很難捱 更可說是我第一次真真正正嘗到失戀的滋味
《分身術》大概就是最好的展述吧
「怎麼我眼內人人像你 人人是你」
你問過我為什麼有時戴眼鏡有時候不戴
我便說因為可以看到一些我想看的東西 也可以看不到我討厭的東西
也曾經聽過 失戀那又酸又想哭又心癢的感覺是很痛苦的
我也嘗過了 哭了一會兒 心好像好多了 但另一天晚上又會再想起
有時很想很想text你 但理性得我當然不容許自己再做一次傻事
在馬會training一直有一位同一行的女生不停的在偷望我
放心她不是tb 但她好像想確認甚麼似的
有天晚上 我偷偷地上了你的instagram
在你追蹤中的10數名朋友中 我發現了那位女生
此時我在想 omg 世界真是小得可怕
特別是你很想逃避某事之時 世界小得好像所有你害怕的東西就在身邊
master說的一句實在很有道理 這正正給shxt man一個機會知道 我活得很好
看來以後在馬會工作也要多花一點心思打扮好了^^(just joking haha!!)
btw 就正正在你追蹤的10數名朋友中 當中有一個女生我感到怪怪的
她不是你平常圈子之中的 但卻最近好像走近了
連你的朋友也跟她交談了 以前也沒有的
而且 就如以前一樣 你也不會回應她所有有關/無關你的事
我又想起 公開試的時候 明明你已經是repeater
但你卻很關心今年f7何時mock何時last day etc
噢 迷團已經解開了
不過 為何你的品味卻變得...^^
btw 就如高登巴打絲打所言 你是個不折不扣的偽毒撚
偽和假 是我最最最容不下的
我有打算過在korea trip出發之前
作為一個朋友 text你叫你放心放榜
btw 我連這個朋友應該做的事也不想做了
看來我已經慢慢地放下了
我不會想起《司機》的一句歌詞 「為何還未看開」
因為就如國賢的《14天》「要走的都要離開」
啊 忘了在這裡說說心中一個不太好的想法
其實我有想過 即使能夠在一起 也只不過想一起兩星期或者散拖而已
因為 可能真的不夠愛吧^^
總之 我會活得很好 我也活得很好
路要怎麼走 我不知道 總之就不要走回頭路嘛

品味是慢慢培養出來的 喜好卻可以很快就轉變
口碑只是表面 內裡是怎樣 時間會告訴我
沒有一條路是往走的
走了一條錯的路 教我長大了 成熟了 要用時間去了解一個人
我只會把信任交給我真正信任的人 大概就是正在看這個blog的你:)

damn哈哈
真係好似高登男神那個「這些機會不屬於我」/「我覺得自己是零」那個啊源哈哈
很正哈哈

我尋你開心　　你尋我開心
我們還有甚麼可以恨
 

今天本想好好把所有的《圖書館眾生相》打好
不過 把數位同學的作品打好後 要打自己一篇的時候
把word打開了 卻沒有動力去打 到底是逃避還是眼太累呢?
圖書館 尤其是我校的圖書館 一直是我最愛最愛的地方
不但夏天有冷氣 冬天有暖氣(那時可說是全校最暖的地方!)
而且是我思緒最平靜 讓我可以停下來的地方 沒有人打擾
心情不好 坐在窗前 看着天空與落霞 不快總是快快就不見了
或者太久沒有在圖書館坐坐 心 總是比以前難一點靜下來
最近為了馬會的training 每晚也得坐上尾班車(sorry my fd!最近才看到你的cm呢哈哈^^)
說真的 其實身體上有點累 不 是很累  太久沒有動腦袋去聽書 又要train5小時
這也不是問題 最大問題是 omg 你真的煩到我真的想一下打打打打你errr
我知道你是擔心我又尼又路 太多的擔心就是煩啊 你知道嗎?比我父母大人還要煩100萬倍
這是善意的 我明白 我也很高興有這樣關心我的朋友
不過我只想你知道這世界不是要第一時間回wts app 就算看到也不用回
(這點做通知人那個是絕對明白 也慢慢習慣了)
omg 你不要無啦啦就話:::唉 好灰啊 無人回 點可以咁嫁etc...
真係煩到我覺得用白話文原全表達唔到個種煩omg!!
咁都算喇我當你lonely又好點都好
我知冇人回你/你plan好哂d野之後比人ban or改係好煩既事
因為你話::十幾個人既活動冇plan就真係收皮喇
damn u omg!你係個wts app gp到有火藥味 之後私底下搵我做出氣袋我真係頂唔順囉唔該!!!
如果真係好嬲我係絕對理解同埋我真係會體諒 因為作為朋友係要係朋友有需要既時候做最強後盾
omg! 你成日都咁唔開心成日都嬲成日都灰 我安慰你個d野乜都講過哂
我自問都算幾有耐性(你唔認同我既話我就同你鬥頂得佢順幾耐 ps女仔先會感受到 damn)
開頭我真心覺得你好慘 冇人應個種感覺真係好sosad 我十萬個明
咁人地唔回你都有n個原因嫁嘛大佬 人地可能好忙/睇唔到/唔記得回/唔識應/覺得冇必要
你呢d理科強但係100%感情用事又唔聽人講唔理人安慰只係不停講
::冇嫁喇 係咁嫁喇 我點做都唔會有改變 唉 收皮喇 etc
damn damn damn!!!!我都唔想搞到我呢個咁靚既secret blog冇哂文化
但係我真係想抒發哂我d anger!!!
好似拉得太遠哈哈 講返個導火線先
omg 咁你去唔到bbq又要plan又要嬲仲要對我發脾氣跟住同我講句
::sorry啊 你training完咁攰仲要plan咁多野 麻煩你
damn! 我真係想打打打打打街霸打走哂d怒氣errrr
你知我攰仲要冇喇喇明明唔係我錯又搵我黎做出氣袋
我都做哂和事佬你仲要搵我出氣 我係有生命我係有思想我都有情緒嫁唔該
我雖然有80%既時間都係開開心心 但都有20%時間係會唔開心嫁唔該
每個人都有責任去好好管理好自己既情緒同言語
當然我好體諒朋友對我發脾氣係唔開心 但當一個人有9成以上都係唔開心
之後佢狂搵你同你講唔開心野 但係你叫佢開心d喇 唔好諗埋一邊
之後佢又一句一句咁ban哂你 個下真係比死更難受 成功感係-10000啊thanks 嗚~~
:::唉 我好中意個女仔啊....xxxxxxx
:::唔梗要喇 呢個世界又唔係得一個女仔 第時讀書識到新朋友咪有新target囉^^
:::唉 唔喇 我唔想識新既人
damn!我心諗你講到咁真係神仙都難救喇係咪呀
我都係suggest你上香港最強討論區高登算喇 你咁樣真係得巴打絲打幫到你
唔該唔好咁off喇唔該sosad(哈哈 上高登係為左拎作文靈感 真心)
btw 我d anger真係一次過爆哂出黎喇 release~~
講返正題 開頭真係唔係諗住打d anger野
係想打[重新上路]哈哈 要開一篇新先
講哂d anger 真係無限爽!!!!!!!!
其實你係一個唔差既朋友 但真係唔好咁煩24小時on call
啊唔係on call 係wts app-ing leader住所有野
保持距離先哈哈 我都係做返隻無腳既小鳥吧yeah^^
 

其實成隻歌我最有共鳴都係個句
「別煩著我 別煩著我 別煩著我 別煩著我 別煩著我 別煩著我 ....
寧願舉起雙手封閉著耳朵」
其他真係唔關事哈哈^^!!!

自從你考完第一次AL後
過了很久才於MSN露面 我才有機會主動去找你
不過 放榜過後 你就再沒有於MSN出現
只好在你的「粉絲」口中知道你的消息
偶爾在日本服飾連鎖店碰碰運氣(原來有很多巴絲打都會於那兒工作 SOSAD哈哈)
不過終於有一天我忍不住了 找巴打問電話(THANKS啊巴打哈哈)
其實過了好回兒我才有勇氣去傳第一個信息
我沒有留名 我猜你會回一個MSG問我「你是誰」之類的問題
不過你當然沒有呢
過了很久 我鼓起勇氣再多傳一個 內容間暗示了我是有趣人
就這樣 我就開始維持每晚跟你傳信息 可惜的是 作主動的多是我吧?
不過 當中的信息每個也其實有點長呢哈哈 這點我是有點興奮的^^
不過 你總是叫我早點睡之類 有一句我是十分深刻的
「我唔會唔覆你 早抖」
真心 現在想起來 只覺當初太傻好了 傻這句話的只有我這些蠢人吧?
有一次我故意氣弄你 你說MSG卡住了 SEND不了
我就以你最討厭的「哦」字作回應
那晚大家都很不快 就草草算了
不過之後我又以大學的話題化解了 又再有說有笑好了
其實我有幾次下過決心要忘了你 不再想起你 但總會偶爾在街上碰上你
高峰期可以一星期一次、兩次
有時候又會兩個月也碰不到你
有心人就會把偶遇當作緣份
無心的 就只把他看成巧合好了
記得一年前 你在FB POST的一首<好久不見>

那時候其實太不喜歡 因為不太合我的心情吧
但後來我想 其實歌詞的確有點...
「拿著你 給的照片 熟悉的那一條街
    只是沒了你的畫面 我們回不到那天」
現在想回來 又有別一番滋味
換了新手機 就如以往一樣象徵着一段戀情的結束
(關於換電話 就足以可以多出一文了^^)
此時我想起的不只是<好久不見> 只是想說<你記得嗎>

就坐在大門記念我　愉快的說笑像最初
如不可相愛　記住已足夠
從不必追究　有沒有以後

我多麼想和你見一面
看看你最近改變
不再去說從前 只是寒喧
對你說一句 只是說一句 好久不見

其實我不是想再要求什麼了
只是覺得如果能做朋友 已經很不錯吧
只怕我也只不過是一個感冒病人吧

 

所有手上的相已POST 不想再多談SHXT MAN哈哈
如有補充我會另加 BYEBYE
MR RIGHT YEAH YEAH^^!!

PS 有別於以往深夜打BLOG的作風
今天決定要在日光下打BLOG 免得自己夜裡感到空虛
想那個SHXT MAN想到要上高登哈哈^^
BTW IM OKAY YEAH^^