今日用開電腦就打下啦^^
今日不安左一日 因為史提芬成日都無搵我(SOR係要發小小姣^^)
wts app可能係近5年內最好既通訊發明 亦都係最差既一個
你可以知人地幾時on 你可以知佢宜家係咪online
但你都可以知道呢個人明明on過/on緊 但點解會唔搵自己/唔回自己
當我見到佢一次又一次既在線上但係都唔搵我既時候
直到佢平時食飯一定會搵我既鐘數
我心諗:: 邊個話女人善變?其實男人善變起黎轉得更快
我係到諗  嘿 我又睇錯人喇唔通?
不過never mind哈哈 有時我會覺得我真係未習慣到有個人係我生活入面
我覺得日日夜夜掛住一個人 之後雙方又要係到角力真係好辛苦
諗下諗下 我醒起琴日同佢既小小對話
佢::我諗緊我幾時會得閒出黎搵你食飯
我::一係你exam完先啦(姐係12月中左右)
佢:有排(塊面驚到變藍樣)成個幾兩個月喎
我係到諗 早一日先咁急約我 宜家就搵都唔搵下我  食__嫁?^^
琴晚我無啦啦好想去尖沙咀食野 之後我就話不如去個到喇 但有d遠
之後佢就話食好野既話就無所謂^^
咁我當然要扮哂體諒佢就去第2到食喇(其實我真係好體諒人嫁囉哈哈)
宜家我又係到諗 有冇搞錯 真係可以轉得咁快嫁話啲態度
心諗 我知你要溫exam 但係咪搵我講一句野都咁花你既「珍貴時間」啊?
真心有小小嬲有小小唔開心 但真係有好多野要chur
正當我係到整既drama個啲野既時候 佢就wts app我
我都算衰喇真係 我應我drama個wts app group都唔應佢哈哈
之後仲要成半個鐘先回佢 之後佢就即刻問我做緊咩 哈哈
係呢一刻 我先知原來其實我好在痴身既潛質
只係我之前未搵到個激發到我呢種潛力既人姐 哈哈
其實佢真係幾好 我同佢講話其實唔洗出到旺角咁遠 你黎九龍灣食會近好多快好多
之後佢話其實差唔多近(傻既咩^^ 彩虹下一站就九龍灣 下幾多個站先係旺角啊^^)
跟住我話我地好似出親都食貴野 佢又話食好野就得喇哈哈
其實我有時真係唔想諗食咩 琴日佢又係到問我食咩去邊間
我唔多唔小都有小小麻麻地 但係我又諗其實佢都係想比我多啲選擇就下我姐哈哈
咁我當然要扮下蠢只係講想食咩 食邊間就緊係佢諗啦哈哈
(你地一定係到恥笑緊我係真心蠢^^)
btw 呢幾日無咩特別進展 就係我地遲啲去食燒肉
26號?? 我硬係覺得有啲事  原來係shxtman既生日 哈哈
btw 26號唔係shxtman既生日 而係我同史提芬既燒肉之旅yeah^^
又要諗定好多野lu哈哈^^


走　相信天與地 總有地方秘密連著線
明天　戀愛那天地線 是時候要接上　
命裡交叉點　跟你遇見