琴日突然興起約左個小學肥仔朋友出黎食飯
同佢傾下感情事 比機會佢講下佢驚天動地既戀愛大小事哈哈
見到佢個發姣樣同埋佢同佢「老婆」既肉麻野 令到宜家既天氣凍多幾度
BTW 琴日同佢HAPPY SHARE史提芬既事 真心 我覺得我冷靜左好多
雖然我都有笑笑口咁 但比起前一兩個星期我真係冷靜好多
特別係琴晚個小學朋友講完一句
「其實點解你唔吊高黎賣」
其實我唔係想吊高黎賣 只係呢幾日真係冷靜左好多 我又再回歸返最原始既問題
「到底我有幾中意佢?」
客觀因素的確唔錯 暫時觀察都覺得唔錯
而且我覺得佢都幾可靠幾成熟
但係一講到主觀問題 到底我自己有幾中意我又要再諗下
其實好感一定有 但係有時我又覺得自己唔係話中意到要一齊個種
除左因為時間短之外 應該係其實我感冒未清－－有時又會諗起SHXTMAN
女仔最怕午夜夢迴 早幾日我竟然又夢到佢
係夢入面我見到佢之後我即刻落巴士 之後好似跨欄咁跨過一堆好多刺既草堆
仲要好狼狽咁過埋一啲欄杆
入到去一個泳池既時候 我見到自己兩個膝頭都紅哂留哂血
即使我係泳池入面 我都唔覺得痛 只係慢慢咁望住啲血流出黎
我屋企人問我痛唔痛 我話無呀 都唔知點解會咁
如果夢境係代表住潛意識既話 咁我諗我真係感冒未清
我以為我放低哂咩 點知原來未斷尾
今日當我係車箱入面 我見到有個人真係似佢似到不得了
但係因為距離比較遠 我只係能夠係到估下估下
但係當我見到呢個人同一個女仔行為好親密既時候 我只係有一種頂住個心既感覺
我知道你地一定會話宜家史提芬咪幾好快啲忘記SHXTMAN喇
其實我都以為自己真係完全放低哂佢 但原來有時又會無啦啦諗起
史提芬係好而且我的確係有好感 但係要逼我去中意佢我真係做唔到
可能係呢個星期史提芬比較忙先至咁 我真係唔知
佢::你整完野搵我呀:)
琴晚佢講完呢句之後 其實我真係扮整野 唔知點解個下真係唔想同佢講野
過左好耐成12點幾既時候我訓唔著 我就HEA應左一句
我::做咩?:)
其實我真係連個:)都唔想打 但係唔知點解個下我真係有些少出於禮貌去打
真係X佢 佢應返我一句::無呀:)
之後就成個對話完左 乜料呀真係 之後我就話要八半唔講住訓覺先
你地一定會鬧我好無聊 但係真心唔知點解岩岩個下心情真係麻麻地 哈哈
其實我真係唔想好似早兩個星期咁唔冷靜
我想CONFIRM下自己係咪真係咁中意佢之餘 都CONFIRM下佢會唔會為出POOL而去識我
而且 我真係想自己完全放低 READY好HANDLE一段感情既時候先開始 對我對佢都比較公平嘛
| 
