記得上到高form之後年年生日都有朋友同自己過
今年大家都各散東西 就自己一個係屋企毒毒地咁過啦^^
印象中好似無咁樣過哈哈 難免無之前咁「海派」 但其實又無乜野哈哈^^
早排以為放sem break 今年生日可以去玩下 點知又夾唔到時間 就比自己抖一日^^
其實都諗唔到有咩好記錄 因為其實同2012年回顧差唔多
「到了這一天快得似做夢」^^呢句真係太貼切
上年仲以為今年生日可以係大學過又或者有(男)朋友同自己過
點知自己毒毒地係屋企汁下野打下blog睇下黃子華咁過哈哈
(sosad 原先仲諗住睇戲或者出自修室 就當比自己抖一日啦^^)
18歲呢一年身邊有多事都打破左我以前一啲概念同「夢想」
原先打算做護士無啦啦又走左去讀日研
真係唔知係咪叫好彩  唔洗對住chem bio 但又怕搵唔到工做
但係學日文我真係學得幾開心
如果開chem bio有3分開心 學日文我有8.5分開心^^
以前shxtman同steven可能有機會 點知因為好多原因最後又無^^
「美好的　沉澱了　沒有火花不要燒
愛過的　成熟了　犯錯只因失戀太少
要每一根火柴　全為這一刻燃燒
就當普天之下情人節只得　數秒        」
今日起身冇乜野做又唔想起身就聽下歌
有太多野真係唔係勉強得黎 又或者可能真係開心過就夠^^
btw pool緊係想出喇 但我唔想因為個個都出而逼住自己又是但搵個出^^
難得我仲清醒 就係到提下自己先哈哈
如果問我18歲我領略到最多既係咩 應該大致有幾點卦^^
有時得唔到可能會得到更多^^ 雖然咁講好似好虛 但個感覺真係好強
雖然暫時冇degree真係好唔開心 宜家都仲唔開心嫁認真^^
但係好在當時無offer 如果唔係就真係一世都要做護士或者再繼續讀science
宜家雖然讀緊asso 唔係好知可以點讀
但我估唔到係到都識多啲幾好既朋友又學啲自己幾中意既野
最大既得著應該係態度既改變^^ 以前都想做得好 但宜家係會出力要做到滿分yeah^^
呢個想法真係改變左我好多哈哈^^ 要keep住先得yeah^^
如果真係同shxtman拖住拖住既話 可能就識唔到steven
如果真係同steven一齊既話我諗又唔會遇到下一個佢
真係冇咁鬼多如果  但係我就明白到有時宜家得唔到  可能等一等 下一個出現會好啲
同埋感情呢啲野都急唔黎  黎就黎啦  無我都唔想煩唔想急  反正努力入返u就唔會愁呢個問題
講真  我點會無人追先sor^^(我生日大哂 比我自戀一次sor^^)
另一個得著應該係屋企人支持卦哈哈
其實我真係好開心有我呢個爸爸  成日都好支持我 想做咩就比我做咩 唔會比太多意見同限制
當然我媽媽都好好啦成日都支持我^^
早幾日同爸爸媽媽三個人去行山睇紅葉
睇完之後兩個妹妹join埋食飯(以前次次都係我join食飯哈哈 sosad家姐冇人約lu^^")
妹妹講野真係好好笑::家姐你陪媽咪佢地都好鬼開心啦
之後我媽媽又真係笑到合不攏嘴^^
睇黎我真係要放多啲時間係屋企先得 笑聲笑聲~~滿載溫馨~~^^
雖然今年生日過得好平淡 同屋企人食下蛋糕食下pizza咁
可能真係大個女  以前係好中意驚喜  但宜家覺得咁樣簡簡單單已經夠lu^^
哈哈 係咪唔可以係到認老扮成熟?^^
好喇 雖然話比自己抖下  但都要溫下日文先^^
祝19歲快樂  唔會咁貪心要心想事成  但希望有上天保佑(呢個係咪仲貪心哈哈^^就快信教啦我哈哈^^)
多謝你地祝福呀^^