原來唔經唔覺同shxtman已經冇聯絡差唔多4個月
我曾經有諗過同佢講生日快樂、新年快樂etc
但最後主要係因為怕自己又再諗住佢中意返佢
所以一直都用理智叫自己唔好搵仍
估唔到佢琴晚竟然同我講生日快樂哈哈
同前年、上年一樣 都係最後一個同我講生日快樂
前年考al既佢話因為要開電腦整野先同我講生日快樂
上年因為食蘿蔔糕食到唔記得同我講生日快樂
而今年 就好似老朋友咁講句生日快樂 再加啲好kai既野哈哈
認真 其實我琴日係到諗::太好啦 生日就可以令到shxtman個名再沉底啲
當我一諗完之後 冇啦啦就彈左"eric!!"出黎(姐係shxtman)
都唔知係咪玩野 哈哈
講真  第一下彈出黎 個心真係跳左3秒
我就好客氣咁講左句多謝同埋祝佢ulife愉快
過左好耐佢都冇回我  正當我打算洗白白既時候 佢就應返我
就係咁 傾下傾下又傾左成粒鐘
當然無以前既感覺咁強烈 但係就有一種老朋友既感覺
打從心底問我既話 我當然想以後日日都咁樣傾喇
但其實同佢做到朋友我已經好滿足 真心
同以前唔同既係 佢竟然同我講佢讀u既不愉快 呢一樣野我係幾開心^^
但同以前一樣既 就係當我見到佢打「是咪」、「傻的媽」 呢一啲真有一種親切感
而且佢又係到問我non jupas呀個啲唔知點解有小小窩心哈哈
可能真係冇咩朋友會同我講呢樣野  更何況係一個成四個月無聯絡既朋友呢
雖然之前有人同我講見到佢出左pool  但當我笑下佢既時候竟然話忙到無時間追女仔 i dunno哈哈
雖然我知我同佢應該永遠都係朋友 但難免都會想八卦下既^^
btw 佢搵我傾計令我諗返好多野  令我記得返其實中意既話就算去邊都會心如鹿撞
就算係「價真盞」都可以令我心跳加速  又何需1881或者尖沙咀海滂呢?
原來唔經唔覺就兩年幾 雖然最後我地都係朋友止步 但其實我已經好滿足^^
有呢個人做我朋友其實真係幾開心 難得有人都同我夾得黎哈哈
佢無親口同我講過啲咩  但我諗我地係大家心入面都有一個唔算低既位置
我諗我距離佢既沈佳儀可能有一段距離  但我諗佢應該都幾開心識到我呢個師妹
唔需要日日傾 唔需要日日見 就算偶爾傾一下就已經好好^^ 老朋友嘛哈哈^^
我明白感情過左去就過左去 唯有祈求下一位唔會再因為timing或者拖得太耐而又再一次錯過呢
多謝你啊傻的媽  我宜家先記得返我跨欄既態度哈哈^^ gpa fighting!!!!!