無錯 個題目無打錯
雖然宜家我只係19歲 但我知20年前你已經知我將會同你生活
當初我地第一次見面既地方 竟然都係我地最後一次見面既地方
我成日諗死之後會點
原來只不過係將身上一件又一件儀器拆走 由醫生清理身體 之後去一個冰冷既地方
到底有無回魂 如果有 呢七日你又會去邊
呢幾日我以為自己不停整下野睇下sailor moon就無事
我以為自己真係無事 已經將傷感轉化為掛念
但當我一出街無得整野無得睇sailor moon
睇住街上任何一樣野都好似可以同你連上關係
我就知原來我仲需要時間先可以recover到
其實我真係覺得好唔真實 呢幾日腦海成日都出現係醫院既畫面
琴晚當我如果過同一條馬路
同平時一樣抬頭望下老人院你訓開既位
眼淚係眼框打轉 呢種感覺太唔真實
細個既時候一直覺得你永遠都會同我一齊生活
就好似卡通片咁就算大結局都唔會有人離開
雖然我都唔知點解無啦啦會睇sailor moon
或者只不過細個快樂既回憶就係比佢影響得最多
又或者 令我記起細個既時候曾經比過你既一本美少女磁力電話簿
又或者 幼稚園既時候 每日放學你都會坐係一邊 睇住我同朋友係到扮美少女戰士

閉起雙眼你最掛念誰

一直以來黑晚都係最岩痛痛快快咁喊一次
但宜家竟然變到日光日白 或者係我怕夜晚你會見到 haha
如果可以軟弱有邊個想堅強
如果可以一直依賴又有邊個樣獨立呢

如孩兒能伏於爸爸的肩膊　誰要下車
難離難捨總有一些　常情如此不可堆卸


如無力挽回 要懂得放手
逝別了的人再不可擁有

如能在過程裡 參悟另一種祝福
彎彎腰 笑納這段變幻人生 不會那樣痛
im fine:)