早排要搵informant
搵過好多人 雖然問咗好多人 但最後得個人幫到我
一個竟然係網上賣家 另一個竟然係館
雖然佢唔識動漫既人 但佢記起有個動漫booth就幫我去問人拎contact
唔算得係啲咩 但當個個都係回一句「無啊」「幫你問下啦」既情況之下
咁實在既行動真係比到好大動力去做好份project
雖然最後搵到既人唔太適合去做訪問 但係知道身邊仲有人咁幫人其實幾開心
另一方面 個賣家其實只不過係賣過本sailor moon sechedule比我
但係佢又肯幫我問佢個係上市動漫公司做翻譯既朋友 仲幫我講多幾句說話 真係好好
當然最後又失敗啦 其實都慣嫁啦
好在最後上網都搵到人幫我做訪問 而且個賣家又肯幫我做
有2個訪問話唔定會知多啲 又有多啲選擇都唔錯
其實我知個個人都好多野做 樣樣野都係訓少啲就可以做得到
但係成日都覺得好lost好唔肯定好不安
琴日有位sweetsweet 突然whats app我叫我加油但唔好咁chur
其實真係好窩心 特別係呢段時間 真係好無信心
感覺好似讀極都唔知自己讀咩 真係好驚無啦啦又有爛grade
或者真係變咗 又可能發生咗好多事 真係覺得屋企人係好好好重要
其實宜家成日都唔想玩想埋頭苦幹咁讀書
琴晚比面就出黎玩下啦 但其實我知出黎玩就全心玩 但係個心又諗住個啲有排都睇唔哂既readings同日文字
玩玩下就已經就快2點 咁岩屋企人whats app我問我幾點走 其實我都諗住2點走  就同佢地講宜家走
之後whats app完爸爸打黎話::
「咁夜一個人返黎好危險  一係你留係個到聽朝先返黎啦」
「但係我聽日有嘢要整 我宜家返啦」
「如果有人同你一齊返你先返啦  一個人好危險嫁」
自從升上中學就開始成日出夜街 呢幾年出黎玩就差唔多次次都玩通頂
其實有時都唔想屋企人咁擔心 但又好想玩
掙扎咗好耐 決定走既時候壽星話想玩多round先走 咁睇著佢生日份上就玩埋先走
但係我唔知點解個心真係好亂個腦就只係得notes同readings同埋日文
3點幾終於玩完 幾個人搭的士走
返到屋企 廳竟然仲著住燈 原來爸爸仲未訓
佢話就話想玩埋鋪candy crush 但又唔小心講咗句等埋我先返黎
點會真係玩candy crush啊 你個女邊有咁蠢
今朝又同屋企人飲茶 爸爸媽媽無啦啦叫我唔好咁大壓力 又問我後路個啲
其實真係好驚 我都想無壓力 但點可能無
唔知邊鬼到傳起話我gpa爆4  如果我真係爆到4你話幾好
至少屋企人擔心我少樣野
無啦啦又打咗咁多  抒發完又要睇野  加油啦 仲有小小就到終點


遊戲就算輸了亦有限　難過像過山車哪麼辦
前程不管可否錦繡　加燦爛
認真地玩　全心去玩　更好玩

遊戲若有輸也就有贏　除了力氣當然也講命
明明當初貪玩　怎麼想博命
何必面青　何必太驚　快聽聽

別當你要奮勇血戰　無論聰穎或愚笨
猜猜情尋　雖不如人　不影響你笑臉迎人
沒有說過你要戰勝　留下歡樂便無憾
猜猜情尋　猜猜情尋　玩輸可以勝過別人
多一餐好教訓

前進後退不過是個夢　搖過蕩過不失個好夢
前程不管可否錦繡　都有用
目標落空　才可有空　放輕鬆

不必當真