雖然要返埋星期一先係真正既last day
但基本上真係要學既都學哂 都係差拎grade同test
身邊有人話好唔捨得space好唔捨得lecturer
無可否認真係有啲係幾好既lecturer
但我真係唔會話好掛住asso既生活 話space比咗好多嘢我
因為我最想要既嘢我到今日都未拎到
啲人成日叫我唔洗驚 我遲啲一定有好多offer
遲啲姐係幾時 2046?
雖然唔想成日講悔氣說話 但有時會諗我好似比人握咗2年時間同金錢
讀asso就好比愛情 從沒什麼保險
低gpa唔一定冇ugc offer 但高gpa都唔一定有ugc offer
咁點解仲要咁chur讀呢
就好似好比心機玩老虎機同一個是是但但咁玩
根本就無分別 係呢啲賭博上好似付出幾多都同結果無必然既關係
有人會話 係挫折中學習
我心諗 __! 我入黎就係為咗入u 我入唔到u我比成10幾萬呢間學店把鬼?
今個sem我真係無心戀戰 咩chur埋佢頂埋佢 我真係做唔到
我只係發現原來我chur到死咁讀頭個3個sem拎個高啲既gpa同nonjupas offer係冇直接關係
聽到有個得3.2有3個offer仲話係到求3大 會唔會貪心得濟
我都係是但求一個姐 點解咁都唔比個我
曾經笑過狗公有幾可恥 但宜家先發現去到final year讀緊asso既我同狗公真係冇咩分別
或者我係求大學既厹 而佢地只係怕係感情上搵唔到著落既厹
我曾經以為我係nonjupas呢個遊戲入面
只要我努力 只要我可以耐得住出去玩既誘惑就會得到一個degree
後來我先發現 nonjupas呢個system憎咗我好耐 我點努力點報名都好
可能連一個interview既機會都無 更唔好講offer
只怪我太天真太傻 早應該草起呢十幾萬當首期一部分 好過宜家咁唔知為乜又日驚夜驚發夢都比人reject
當我發現gpa係幾多都唔緊要既時候 人就會變得迷信
除了迷信 我仲有咩可以信?難道信香港政府今年真係會開多啲non jupas位比我呢啲asso仔咩?
sad but true  但我除咗向現實低頭 我仲可以有力量去chur咩?我真係唔想再自欺欺人啦