|
今日ｂｂ終於要出世啦 不過我同一般媽咪唔同 我一ｄ都唔開心
今朝８點幾 我又返到黎醫院
因為星期６嗰日醫生話我擺左咁多日藥都冇反應比我返左屋企抖下
今朝返到黎 醫生就同我講 話換隻藥試下 重同我講ｅ隻藥都幾勁下
會快出ｄ 咁可能會痛ｄ 叫我如果痛多左就同佢地講
之後我又要訓系張床兩個鐘 ｄ時間過得好快
到左５點幾我都唔覺得痛 到６點到開始有小小痛咁
姑娘黎問我 我都有同佢地講 但痛得唔系咁勁
所以都冇做ｄ乜 但過左一陣 ｄ痛越黎越勁
初初都重忍到 但好快就痛到忍唔到 之後我去搵姑娘
同佢講好痛 我想止痛 之後姑娘就叫我訓返埋床先
佢同我打左支針 打完針之後 佢見我重咁痛 就同我檢查一下子宮頸
檢查完就話我開左３度 要推我上產房 之後我打比媽咪
媽咪就同我講 叫我唔駛驚 佢會系出面等我 叫我唔好喊 唔駛驚
換左衫我就上產房 真系好驚 自己一個 咩都唔知 下一步會點又唔知
個肚又痛 ７點上到產房 訓左系張床到 冇人同我講我要做ｄ乜
嗰刻既感覺真系好無助 好驚 之後我覺得好暈同成身冇力
可能岩岩打完支針ｄ副作用 之後我攬住個肚 同ｂｂ講
媽咪好痛呀 ｂｂ可唔可以乖乖呀 之後好多水流出黎 應該系穿左水
跟住我真系唔覺得痛 之後我就覺得有ｄ野要出黎咁
我想起身 但系郁唔到 我放隻手去摸下
我摸到有個好滑既野 我知阿ｂ要出黎啦 佢出黎個一下 好快 唔系好痛
我知ｂｂ好乖 知道媽咪痛出黎個陣又快又唔痛 ｂｂ真系好鍚我
我好想起身睇下佢 但我個胎盤重未出 重有小小痛起唔到身
之後我同姑娘講 佢出左黎 跟住佢地就黎做野啦
我個ｂｂ就系我下面咋 但我睇唔到佢 聽唔到佢喊 依刻有邊個會明白我
之後我胎盤都出埋黎啦 我好想望佢一眼 但系ｄ姑娘拎左塊布傘住左
我睇唔到佢 我以為我冇得望佢一眼 但隔左一陣之後ｄ姑娘問我想唔想望下佢
不過叫我都系唔好睇 佢地話因為ｂｂ都死左一段時間 個身都黑黑地
驚我望左會嚇親 同驚會影響我第時生唔生ｂｂ 我話要睇
佢地都再三咁叫我唔好睇 我都堅持要睇佢 嗰個系我個ｂｂ黎嫁
我點會驚呀 就算佢冇左隻手少左隻眼 佢都系我骨肉
之後姑娘就抱佢過黎 我一望到佢 我真系忍唔到喊
我一ｄ都唔驚 佢好得意 姑娘問我想唔想知仔定女 我話想
佢就比我睇啦 系女黎嫁 真系女黎嫁 依個就系我個乖女 佢就系我眼前....
望左一陣姑娘就抱開左佢 跟住我打比阿康 叫佢入黎
我問佢想唔想睇ｂｂ 佢話好 我地就同姑娘講 之後姑娘話
依嫁醫生同ｂｂ初步檢查緊 一陣先推入黎比我地睇 之後我同阿康就系間房到等
等左陣佢就推左ｂｂ入黎啦 姑娘問我想唔想抱下 我話想 佢就抱ｂｂ比我
但系ｂｂ都擺左一段時間 一抱就變左樣 我只好放返抵佢 之後姑娘就出返去啦
間房得返我地三個 我同阿康一見到ｂｂ都忍唔到喊 我問阿康想唔想知仔定女
系女黎嫁 我地估中左呀 之後我抱佢放系我大脾到 我摸佢塊面豬仔
好凍 凍到好似冰咁 我覺得人真系好奇妙 ６個幾月就有個小生命
但系短短幾日依個小生命就冇左 我抱住佢個陣 有種唔識講既感覺
眼前依個小寶寶令我覺得自己好似升左級大個左咁 我對住佢講
ｂｂ 我是你媽媽 但系我永遠都聽唔到佢叫我一聲媽咪
我地一路都冇乜講野 靜靜咁望住ｂｂ 摸住佢 時間又系咁過
都唔知幾時姑娘入左黎 佢話如果我地ＯＫ 就會同ｂｂ整埋ｄ野 影張相仔 就會推佢落斂房
個姑娘好好 佢話唔緊要嫁 你地想對耐ｄ既唔緊琅嫁 我地明既
我話你推走佢啦 跟住姑娘話真系唔緊要嫁 我話唔駛啦 之後佢就黎推走ｂｂ啦
我望住ｂｂ離我越黎越遠 我不停咁喊 阿康攬住我叫我唔好喊
我同佢講 我唔想咁快推走ｂｂ嫁 但系我驚我再對住耐ｄ我會重唔捨得呀
阿康對我講 乖 我明唔好再喊啦 但系我真系收唔到聲 我以後都見唔到我個乖女
我個心好難受 好痛呀 之後我收左聲無喊 隔左陣姑娘入左黎問我地想唔想要本書仔
本書仔入面有ｂｂ ｄ手印腳印同有張相仔 我話要 之後我打左個電話比媽咪
佢問我點樣 問我出得黎未 我話未知 你返去先啦
個陣已經１１點幾 佢系出面等左我４個幾鐘 我系咁叫佢返去先啦 跟住佢話
咁好啦 我返去先啦 我聽日先黎睇你啦 你乖啦唔好喊啦下 就收左線啦
之後坐左陣佢地就推返我落去病房 落返去之後個姑娘就幫我洗一洗下身 同換返件衫
之後姑娘見我拎住本書仔 問我可唔可以睇下 睇到張相個度
佢話好似訓著覺咁 叫我唔好唸咁多啦 養好身體先
之後有個姑娘黎同我講話你先生話想睇下你 咁我最多比佢５分鐘到啦
因為依嫁都１２點幾啦 我話好 之後阿康入左黎
佢買左個包比我食 但我食唔落 佢點都要我食 因為我成日都冇食野
食完之後 飲左ｄ水 佢就要走啦 佢返到屋企就打比我
之後佢話原來佢成晚都冇食過野落肚 佢沖個涼 食ｄ野再打比我
跟住我訓系張床到 乜都唸唔到 眼光光咁等阿康打比我
到左１點８到啦 阿康打左比我 傾左一陣就收左線
依刻我既感覺系好孤獨 我好想大喊 喊到收唔到聲咁 但系我竟然喊唔出
我只系呆晒咁望住個窗 無眼淚流出黎 但我個心 真系好痛 有種窒息既感覺
雖然我好累 但系我成晚都訓唔到 合埋眼一陣又醒左咁
我一路都攬住本書仔 種感覺就好似ｂｂ無離開過
一直系我身邊 守護我 支持我
愛．是深闊無際的
沒有開始 也沒有終結....
親愛的孩子
我雖然看不到你的笑臉
也聽不到你的哭聲
但此刻我們的心靈是相通的
我對你的關懷
是一生一世永不停止
唯一的合照 |
