部電話竟然有人用 $ 400 直接價 bid 左 ... 爸爸話 d 錢歸我 , yeah !!
又多左 d 錢用黎比房宿件衫有找 ==+

今日成條死蛇咁係咁訓 ... 唔知做乜好累 ... 定係我應該搵下第二份工呢 ?
其實依家果份同事好人 , 我同某 d 客人開始熟左會傾計打招呼 ,
其實我對住陌生人好怕講野 , 但而家我已經唔會再有依個問題 ,
個人大膽左好多 , 會主動係咁講野 , 榮哥話我成日都好認真唔出聲 ,
其實我改善左好多佢唔知姐 ...  p.s. 榮哥 係一級好人 + 搞笑能手水吧人

另外好擔心我份 ive 選科表 , 好多人都收到啦 ! 我仲未有啊 ...
聽日收唔到要打電話去問啦 !! 好驚寄失。一年前 ge 諗法已經改變 ,
我一直都以著返校服為目標 , 但而家都係隨緣算啦 , 我唔會再羨慕人地 ,
亦都唔會再發果個噩夢。

前幾日媽媽講左我知原來我出世冇耐有人幫我睇相 , 個師父批相好準 ,
媽媽話有 99 % 準 , 因為師父知道哂我地屋企同媽媽屋企 ge 事 ,
而未來果 d 亦超準確 , 而我細佬大個會做商人老闆果 d ,
我都好想知自己條路係點 ... 但媽媽唔講我知