而家係三號朝頭早八點幾呀，岩岩返黎沖左個靚涼，個頭未乾咪打日記囉。

二號係星期六黎架，所以今日都唔打算見工，一早諗到肥中廢傑會有節目架喇，所以我都忍唔住要出去玩，媽打下午就去左阿姨度打麻雀，咁我就自己做家務之後就出左尖沙咀join肥中廢傑喇，以我記憶中利是商場我只去過一兩次到，所以我到左尖咀後就唔識定喇，真係大鄉里出城。去到後肥中已經o係一間鋪仔度試衫，只見個sales同肥中廢傑幾好傾，最後肥中買左條褲同t-shirt，條褲都幾靚架，但係我覺得兩樣野加麻四百五十蚊好貴下，我去買二手levis都係舊幾水支嘛，不過鐘意無得講既，之後再行左陣，肥中仲買埋對鞋仔添，特別版黎架，但係ok扺。之後就撘火車返去沙田會合埋我既小矮人汶琪了，跟住我地等埋吳俊文就去左搵飯食，今次試間新野，叫阿拉麵館，應該係食上海野架，d野我覺得好好食，價錢係中上價黎架，但係肥中話出左花紅食我地食飯，我梗係開心啦，唔駛錢，跟住常理黎講我地梗係去篤波呢，四戰四win，開心死喇，符碌都係咁話架喇，之後落樓下打返鋪機，又去左唱通宵k，今日唱k有學到新野，咪玩"色"鐘囉，有兩隻玩法，一隻係lucky，意思係鬥大，第二隻係大話"色"，呢個好難明架我覺得，今次唱k到後段無人同我爭，可以亂唱歌，幾好丫，今次唱k我地有飲酒呀，但係都唔知佢地係咪扮醉既，哈哈，唱完都朝早六點喇，食過早餐後送汶琪回屋企樓下就自己返家喇。

唔知點解有兩隻手指腫起上黎，會唔會係打機打得肉緊得濟呢？