認真講"我鐘意你"，呢幾個字真係好難講出口，雖然未到我愛你咁高層次，但係要親口對住鐘意既人講真係一件難事。

講完之後一定會對自己，對鐘意既人產生一d變化。可能就係有呢個結果，先會令自己覺得咁難講口。

"我鐘意你"比起同人講sorry，對唔住更加難，我本人覺得。

其實呢排成日都會出夜街玩，對於我黎講，

有肥中啦，阿yen啦，廢璋，侏儒呀咁囉，

我發覺我同肥中好難傾到計，同埋無咩話題，肥中會為阿yen而對我態度差，肥中鐘意阿yen明眼人都睇得出，

但係以第三者睇，肥中真係好似為左阿yen而活咁，好多事都為阿yen而諗先，行先，呢個我覺得係可以令人感覺到

有安全感的，但係我覺得過左龍，咁樣好似管束，好似教仔女，保護弱小咁，以我立場黎講，直情可以話擺住阿yen，

將所有外界既野隔絕，其實咁樣好似不太健康呢。呢d都係我既意見嗟。

真心親口對阿yen講"我鐘意你"，我又講唔出口，唯有o係度打下，

其實我鐘意阿yen你，都唔係要求你同我拍拖呀咩咁，只不過我係想表達下自己既心情，

我唔想你唔開心，唔想你飲酒，唔想你飲醉左之後，比肥中照顧，其實人真係好自私的，

但係又有邊個人可以樣樣都隨心所欲丫。

其實我知yen仲鐘意以前男友的，但係我以朋友身份黎講，其實你唔應該行返轉頭，因為你想復合，都唔會好似以前咁既感覺，走左就係走左。

以我鐘意你既身份黎講，更加唔好諗返轉頭啦，比自己過d新既生活仲好‥係咁先！