每個人都相信自己所講既係事實，真相或者係道理，但在我眼中只可能係一d借口，但係每個人有每個人既自由，可以有自己既主見。所以認我既朋友唔好當我成日讚牛角尖，其實我好明白現實歸現實。我只係抱住一d令我自己會開心，唔駛咁認真去面對我無聊乏味既生活嗟。

琴晚因為大晚既關係，打d野唔清唔楚。黎緊我唔會理咁多，我只顧自己既感受，寫d我想寫既野。

整返好部電腦，以為生活會增添色彩，其實都係不外如是嗟，都改變不了我平板的生活。

今日發up瘋想講既係"點解我咁放唔低！"

jojo係我o係黃克競ive讀証書時既同班同學，我無諗過自己可以同自己既暗戀對像拍拖的。校園入面既暗戀，感覺其實好幸福，你一星期七日入面有五日都可以見到自己喜歡既人，起初，我對jojo的印象不是很好的，因為初相認的時候她是染上金髮的，性格外向，還很似d有錢女咁，身邊d同學都給她改左個花名叫，婉婉，因為似車婉婉吧！

暗戀開始了，得知她有男朋友時係有一次我地班搞燒野食，她男友竟然都一齊黎玩，我初初以為係假的，但原來真有其人。

當時個心梗係有唔舒服，但基於我係一個好容易鐘意人既人，呢d情況好普遍。但暗戀她的心唔會因此而變。因為暗戀係唔駛負責任，你想暗幾多個都得架嘛！

有時早上返學落車都會遇到她，她通常都會在我落車的前面的馬路經過的，之後我就會留意佢既背影，有時會追上去想同佢打個招呼呀，講早晨呀咁，有時又會見到她到麵包鋪買早餐食的。

難忘的是上電腦堂，我時常都想著上前撘嗲呀，聊下咁，電腦當呀實習當呀我都會好留意她的，就算是在排隊的時候也一樣，

"點解我會咁記得？"

因為咁多之後我都無忘記過呢d美好既回憶。

聽日再打。