比老豆打我‥係咪我笨？係我曳？係我壞？被人打完‥我會被媽推入toilet洗個面再出黎‥洗面時‥我會對住塊鏡講‥點解你會被人打‥問塊鏡入面既我問"你係人唔係呀？"到當晚睡在床上‥唔係點訓個傷口先會唔痛既時候‥我會開燈望下自己d傷口‥有幾多條"那"聽日返學會唔會比人睇見‥我就會喊出黎，覺得自己好可憐‥我可以同邊個講‥媽咪？！呢d野唔係我作出黎‥雖然好似拍戲咁‥但係呢d野係真的‥無呃你‥

雖然可能仲有人比我更慘‥可能你覺得好小兒科‥咁既成長過程令到我覺得讀書只是應付老豆對我既皮肉之苦‥所以我完全無concept讀好書‥認多d野對第時大過‥未來好有幫助‥我一d都無諗過‥

到中學開始‥成績一路退步‥中三升中四都係全級最尾那名‥我自己覺得自己算不上壞‥只是不是讀書的料子‥你問我中四中五做過咩‥玩過咩‥我只是一場夢‥講埋d無聊野‥發下夢‥諗住去踼波呀‥諗住一早返學打波呀‥上課等小息落去食早餐‥再上課等lunch打波呀‥再上堂等放學去篤波‥聽落好似好貪玩‥但係得個玩字‥又唔精‥唔讀書去玩都玩得精d丫‥讀書唔得玩又唔得‥

中五會考‥人地比一個月時間你補溫‥以我所知‥考mock之前都應該溫晒‥o個一個月係用黎考mock考得唔好去再補溫的‥

我那一個月全發夢‥篤波打波‥明知無溫過我都可以去考‥本本pastpaper都係做得頭兩年‥我本中文精讀除左頭幾頁‥後面d頁數好新‥揭都未揭過架‥我明知會零分我都照去考‥放榜那天‥我估我有兩科合格‥數同bio‥

出到黎‥得兩分‥英數‥我打返屋企‥屋企反應好平淡‥那一刻‥我只好同我幾個考得差不多既fd去篤波‥

因為想搵學校都未到我呢d低分人士‥之後‥我記得我媽無采我大約半年‥

最後我報左毅進‥

毅進那一年‥我都係無能用‥o係度side屋企錢‥好似十科之中有一科唔合格‥係數‥要下年重讀先可以有五科合格既成綪‥

我知道自己唔可以再side時間‥我要開始諗自己‥我問自己想做咩‥興趣係咩‥所以我去報ive‥學整餅呢行‥

ive期間‥我努力做好自己先‥但同jojo拍拖並無影響學業‥最終拎到張cert‥miss仲介紹左我第一份工‥君蘭‥

打呢段野要好有勇氣先打到出黎‥