君蘭‥我覺得自己讀書己經比人慢好多‥所以我覺得咁快可以搵到份工‥又有興趣做既‥要好比心機做‥每個人既濟遇都唔同‥

我個性格‥注定比人食住‥坦白地講‥我唔同人爭咩咩咩‥由少養成的性格‥傳統老豆教既觀念‥抵得諗‥對得住人‥對得住自己‥唔好利己唔利人‥擔屎唔偷食‥令到人地覺得我唔主動學野‥在我眼中我只覺得‥好多野都要‥但係我唔介意做下難野囉‥

我話比自己知我o係君蘭做滿兩年我就走‥以為自己好幫得手‥識做野‥好能醒咁‥好多謝昆少介紹我去第二份工‥萬豪‥

萬豪係五星級酒店‥我以為自己做野手快企理‥去到既做法係兩回事‥好似跟本就唔駛做君蘭那兩年咁‥我炒散人工都好過君蘭‥

比人叫黎叫去‥無所適從到‥開始上手‥有人記得你叫咩名‥當知道可以轉做長工‥有幾開心‥見鬼佬‥食飯唔駛問人拎飯飛‥著工衣係著d靚既‥以為自己前途大好‥五星大餅房‥比心機落去學多d野‥梗有前途既‥

就發生左我咁大個人‥第二次打極‥就係我去body check度check到有bt‥即係肺勞‥肺勞係會傳染‥唔好去人多既地方‥要隔黎‥我打比媽‥媽好似聽到d惡號咁‥發顛咁‥

攪完一日再check清楚‥証實我係帶菌者之後‥我要開始一個食藥療程‥就係隔日要去醫院度食藥‥每次食十多粒大藥丸‥可能你會無法想像要點先可以食晒佢‥好多人o係食藥室度食食下會嘔‥或者食成個鐘都食唔落去‥

我永遠唔會忘記那種藥係咩味道‥食完你要深呼吸‥用手掩住個口‥免得唔小心嘔返出黎‥嘔左出黎要再食‥我未試過‥只係見過人嘔到成地都係‥一開始食‥食完會面紅‥作嘔‥會暈添‥最勁既係‥你all尿會紅色‥因為有d藥有紅色膠囊‥

要食大半年‥先食完‥呢段期間去左彬仔度做‥彬仔度請人‥一來‥我唔鐘意華哥既做法‥二來‥唔開心‥三來隔日要去食藥又要返工好頻po‥所以就唔做喇‥休息到唔駛食藥為止‥