放左假幾日，都無出過街，見今日係星期六，肥中都應該會得閒，由下午三點打電話比佢，打到成六點先有人聽。
約左佢去沙田篤波呢，咁耐無出過沙田，梗係去我好鐘意去既小巴黎開餐啦，哈哈。
食完之後無頂好去，所以就去左fun zone度打下飛機同昅下d妹妹啦！
打左陣就去篤波喇，廢到震，全部輸晒，經過賭波事件，我對於賭博呢樣野無睇得咁重了。所以都玩得好開心，一路篤一路吹下水，幾咁好呀，+him之後都有黎添。
同肥中傾過，攪到我對o係d網上電台入面講野好有興趣呢！唔知真係有得講時講咩主題好呢，用咩型式呢，好多野都無接觸過，第一次既感覺唔錯呢！
呢排好有幸福既感覺，同hidy好似有返d話題咁，之前又同jojo玩icq，同汶琪又通電話，好像每樣野都好順利咁呢，
我身邊既人都生活得好好，令到我自己都覺得好安心，有幸福既感覺。
篤完波，都四點喇，但我又口水多過茶，拉住肥中陪我傾計，傾到天光，之後先返屋企訓覺囉。
|
