無打野好耐，想打咩就咩。

我係一個好容易受影響既人，工作撞板呀，人與人相處呀，都會好影響我心情，

每當我唔開心，我d心情都會湧上我塊臉上面，無得掩飾。

自從轉左文職之後，好不容易才適應過來，靜了一排，各方面有一點點領悟。也有點成長。

新公司識左一位朋友，後生男仔黎，我視他為我可以無所不談的朋友，了解這位朋友愈深，自己反省既念頭就更多。

其實每個人都好怕寂寞，好怕自己一個人，好怕無朋友，其實每個人都會咁諗，但好多時人會選獨處多過搵個朋友傾訴。

主要係懶，我覺得人存在最主要既就係人與人相處交流，另外人最怕講出自己心底說話，怕別人睇穿自己，連底牌都無埋，

所以以朋友相稱的都將"心照"掛在口邊，相愛的人都不敢將愛意直接說出來。

思想複雜的人類就是連言簡單不過的事也做不來。

在我眼裡，朋友無時無刻都在預備一段緣份的來臨，

等緊一個會欣賞自己既人出現，

不用太好，不用太靚，只合眼緣，兩情雙悅，一段愛情開始。試問有邊個唔想好運降落自己身上呢？！

坦白說朋友的眼角頗高的，好多野想打落黎，

但只覺朋友只在自己世界上打轉，轉牛角尖，可能你會話我"只見別人的針刺，看不見自己心中的大杉"

我也知道自己的不足之處，我都在浮沈中，

我知道自己需要d乜‥

昆少彬少聚餐跟我說，何不主動試試搵段愛情，說我做人不夠主動，

金句係︰"唔通d女會自動行埋黎咩"。

我完全明白。

在我而言，拍拖變得更重份量，我己經唔係想搵個人比我鍚，比我關心。

我係想關心我身邊既人，在乎佢地多d，拍唔拍拖唔緊要，

己經唔係細，唔想搵d好似以前咩咩無限驚喜，女友至上既愛情，

只想搵一個，接受到我，可以互相尊重關心的人。

事業有成的人，事業心強，總不能接受比她差的男人吧。

野心的人，世界多姿多彩，不甘平淡泛味的生活‥

愛情至上的人，需要無限愛，甜蜜當食糧。

心智未成熟的人‥照顧不了，

成熟的人，未必容忍到沒半點認真的我。