今日第一日返工呢，鬧鐘未響我自己就曉醒啦。我仲以為我訓死左，遲大到呢！但係我一落床鬧鐘就響喇，跟住洗頭洗臉啦，一路食早餐一路睇林燕玲，靚女呢！之後就出門口喇，七點半已經到左太古喇，呆等半個鐘，阿文就黎接我去一間叫prince bakery返工，去 到見到肥君，阿漢同埋一個叫小新既師兄。換過衫後就開始學做麵包咯。款色太多，都唔記得做過幾多款，總之就難做啦。有排學。下午光哥，君同文，同餅房大佬同埋我去左食茶餐廳。光哥話迎新，所以請我食飯。

之後就返左去做野喇，做到六點半，終於收工，唔算太辛苦。

其實仲有好多細節想講出黎，爆笑一番的，但係無心情，所以唔打咁多。

今日好多特別既感覺返晒黎。我好似親手將我同汶琪既感情拆晒咁，有d似比人拋棄既感覺，直情想喊出黎，我覺得我做，我講既野都失去左誠信，我輸了，好似失去左一d擁有過既野。我有兩句金句。

第一句係"想做就去做"。

第二句係"feel到就係架喇"。

明天會更好。

我覺得以前好大膽，好有冒險精神，話轉工就轉工，好有勇氣迎接挑戰。而家個人就畏首畏尾。

對唔住。