呢期最hit莫過於淫相呢單野‥

未過年前朋友send左兩張疑似藝人既相片‥初頭都不覺是什麼回事，明星都是人，比人偷拍沒有麼出奇。

過多數天，朋友口中得知明星相流出更多張，網上好多地方都話呢d相點真點真，我會當笑話睇，會覺得明星出醜，好好睇‥但問心心底好想睇下有幾真，學朋友話終於有機會睇明星全相‥難得‥

但過左幾星期，身邊所有大小既人既話題都係淫相‥但並沒有成為我口中的話題‥心裡也不舒服‥呢d道德既話題‥

心情也被影響‥正所謂非禮勿視，非禮勿聽‥公眾人物私照公開左‥成為城中熱話唔奇‥但在每個人心底‥証明左人係幾咁醜陋‥人既道德觀念去左邊？我唔係扮清高‥情慾呢家野‥男女自己知好啦，影埋相唔知做乜囉‥寧比人知‥莫比人見丫嘛。

其實好多人都會成日講呢個話題‥識話人唔識話自己‥我唔係保守‥但中國人係以禮相待架啦，唔該唔好扮鬼佬扮開放‥鬼佬開放唔係淨係性慾囉‥

新聞都有賣啦‥好多細佬細細個已經好壞‥未有愛先有性‥點解會咁？因為係班大人唔識教‥唔該自己都未顧掂既人唔好不負責任咁生d仔女出黎‥你大能把錢都唔該你有本事教你先好生呀‥香港人d價值觀係奇差‥物質生活係主流‥細佬未識搵錢先識洗錢‥(我未出黎做野前‥係無話叫我媽買野比我‥)我唔明家下d細佬點可以著到成身名牌？！咪又係d仆街父母寵壞。

唔單止係細佬‥好多後生都係‥搵幾多洗幾多‥短視非常‥買到成身名牌‥但係死人冧樓叫佢拎d救命錢出黎‥佢係鮮都唔鮮下既囉。

人建立財富唔係幾千幾千咁買LV‥唔係周身名牌囉‥呢d唔係叫有錢‥財富建立左可以照顧自己起居飲食‥孝敬父母，有個安樂窩。如果你有個窩又周身名牌，我唔相信你會咁得閒睇到打呢篇野，你會好開心享受過緊你理想既生活。