愈近天日就愈緊張，唔只緊張添呀，仲有點急燥。原本打算為左報答elaine的相陪就提議整tiramisu，點知其實行完街街後已經好累。

經聳擁下海綿蛋糕是由她負責整，但當到我出動後，我就開始有點頭痛，因為真的很累，又緊張整成點，今次是第二次整，上次失敗了：過硬兼沒有味。因此今次很聚精會神，結果......攪到自己發忟，最弊傢伙的是難為了我隔離果個~~elaine，對不起。不如下次妳覺得我發忟時唔好問我野住呀，我唔想向人發脾氣，但我個腦停不到。不過後期好些了，因為妳話了給我知，我就好像有點懂去停。但確實頭痛，因忙完整蛋糕後就想著明天的面試，擔心死了，就是因為唔知有乜好擔心才擔心，對我來說唔擔心這感受令我毫無安全感，好不實在！

其實以今早的我狀態真的十分差，如果我的心情是壞，下次我會先通知妳，讓妳選擇好不好陪我。見到妳後心情真的好了不少，只是到了晚上，想起明天......就......。真的未預備好，我怕自己會選擇逃避而不去面試。雖然我不想一個人，但我仲未想見人；我不想走在街上見到別的情侶，但我更不想獨自在家想起我和他的種種。

講番個tiramisu，除了整蛋糕外，照舊另外整了杯裝，因為我喜愛的是吃杯裝的tiramisu而不是蛋糕裝。我們估杯裝的雪藏需時應少於蛋糕，因此elaine與大b已經率先試了杯裝。elaine說沒有上次咁硬兼且有味啦，係，係要有咖啡味帶點芝士味，當然不能少了谷咕粉的苦味啦，不過她說仲有點奶味。後來，自己也忍不著趁新鮮試了，不過只盛了半杯出來試，因為要試雪得耐對軟硬度有幾大影響。

而自己覺得好味，我都吃都帶點奶味，但有時買的都係這種味道，所以感覺好好，仲要係我地親手整呢，實有分加。但原本打算多點咖啡味因此比上次放多了咖啡漿，但這樣會令舊蛋糕濕晒，不過幸好這是杯裝，因此連埋啖cream入口一齊溶都沒大問題，但好濕。咁.....唔知個蛋糕會點呢......佢仲雪緊呀......

弟弟打俾我問今晚有無整0野食，好抱歉，因為昨日的炒飯你沒有吃，因此剩了很多，他說他會返黎食，嘻嘻，咁天晚煮咩好呢...... 突然覺得自己被需要，好滿足呀！