今天在想這麼的一個我，是否不適合有朋友；這麼的一個我，是否只適合遠觀而不可近賞。我想：我會好好地想一想。朋友們，請你們忍耐多一陣子。

因為朋友的票在我處，所以只得出門，去了看“月亮沒有忘記•再見好朋友”：

創作靈感來自幾米的＜月亮忘記了＞
看不見的，是不是等於不存在？
記住的，是不是永遠不會消失？
人生是越來越多回憶，越來越少未來！
為何我們總是失去時，才懂得珍惜。
再見好朋友！

之後便返家。然後知道古叔唔想煮飯但媽媽要求煮飯後，便提議了由我來煮，嘻嘻，係，沒錯，係由我來煮，驚唔驚呢，都幾驚嫁，驚全家一齊無飯開0羅。當然啦，飯就實有得開，不過……好唔好味就……。其實我只算係煮得一半，因為睡了陣起來，湯已在滾緊，而排骨也於先前掩了。但好過無啦……

到了現在，條頸頸仍感痛，我想我要乖乖啦，不能持著自己不用上班而日夜不分，要傷心咪日頭傷0羅；要唔開心咪日頭先唔開心0羅，大個女啦，要懂得照顧自己。

部電腦又再一次出現好噪的怪聲，好唔開心，之前果次好驚佢壞。但今次我忍不住打拍它，直至它收聲，因為是我不覺意撞到它才叫。而心暗暗地想，你唔好壞呀，你壞了我最多唔整番你。若果有日你們發現好一段日子不見了我，而我又沒有註明原因，好可能就是我壞了電腦。