當我好開心手拿著請柬時見到舊cell員阿強，便上前和他打招呼，打算搵佢仔仔影相，點知佢仔仔同媽咪行開左。佢地見我手拿請柬就問是誰，研究完後，得番阿強和我對話：

阿強 ：幾時到你？(手指著請柬)

我 ：未有耐，0岩0岩甩拖。

阿強：(直接反應)又..散..呀..(但愈說愈細聲)

我 ：唔駛咁細聲喎，你無記錯，我係又呀！

阿強：唏，唔緊要啦，仲好添，你唔好為左一棵樹，放棄成個森林(以動作強調永光)先得嫁！

我 ：(頓時被他弄得啼笑皆非)嘩，我聽咁多安慰說話，最掂就係你，咁都被你諗到，果然係阿強。

下晝大組開了個聖誕聯歡會，一開始有個祈禱會，之後有分享。跟住就到開餐時間，接著是遊戲環節不過因為要去獻詩練歌，所以我暫時離開了。

當回巢的時候，他們仍在遊戲中，但他們的情緒非常高漲。他們在玩收買佬，我也即時加入，玩了一回，就要除腰帶，點解全組人無人有戴腰帶？唔怪得他們咁起勁，因為真係鬥得很激烈。

抽獎環節由我負責，散場時已經全身乏力兼聲沙。晚上就返了家打邊爐，好累，無胃口，係咁咦食左些。