其實真係好想放棄學業，根本就無心戀戰，簡直係浪費金錢、浪費時間、浪費心機。

但當我想放棄的時候，有vincent的一句加油；

當我想放棄的時候，有同學仔yuki的一句唔好放棄；

當我想放棄的時候，有阿崔的一句唔好灰心；

當我有少少放棄的決心的時候，有dr lee一句：未交功課給我的同學，請用email交給我，包括第一份功課。

簡直想哭，因為仲有機會，因為仲要迎戰，因為茫然......

放學的時候，我好奇地問同學仔：阿sir咁講，咁係唔係仲有其他同學未交第一份功課？

同學仔認真地答：有冇其他同學未交我唔知，我淨係知頭先阿sir番說話係同你講。

同我講！？我有咁重要咩！我會受人重視咩！心沉重......

原本計劃放學後去睇戲，因為是今學期最後一堂，而且打算自己一個去睇。不過我見有友人契而不捨地約人陪睇戲，也有友人表達過因返六日工被人遺棄沒份去睇戲。心想：係唔係要放個機會出來呢，我甘願寂寞，但我還有朋友。為免受千夫所指及讓人誤會，所以即管試試，若然搵唔到人去睇戲，咁，咪理所當然地可以一個人看戲去。

結果，係搵到。雖然我最想睇果套佢睇左，不過佢提議的也可接受，便約好了。

放學，同學仔們圍了阿sir一陣才走。然後我行落維圍攞渣打比賽的號碼布。然後落九龍灣會合。

原本約弟兄一人，但與他一起的肢體也有興趣，因此一行4人去了睇占基利的賊壇新人王。認識了蓉蓉、big john和無去睇戲的阿橋。

散場後去了魚一丁食野，不過味道一般，不知是否因為我心沉重。但很想食佢的魚生飯，不過午市才有。

回到家樓下，才記起媽媽說今晚零晨會停電，所以第一時間開熱水爐，然後就打日記，然後就要洗白白去啦！所以今晚不能久留了。

反正你我已不相干，
            為何仍怕你不歡喜！