哇，我地一去到門口睇完餐牌異口同聲都話：掂呀！因為午餐由40至50元不等，但格局四正。

我們5個人叫了4個餐：

波蘿雞絲炒飯

雜錦炒烏冬

黃咖喱雞飯 + 烤餅

茄子咖喱蝦球飯 + 烤餅

每個餐跟 小食/沙律、湯、飲品

相比之下波蘿雞絲炒飯及雜錦炒烏冬比較失色，因為黃咖喱雞飯一出無人能擋，一大堆飯加4片烤餅 (湊起來約是一個6吋餅)。而茄子咖喱蝦球飯之精緻則令我著迷。

實質上，味道亦是咖喱那兩款好味些。不過有些攪野的事，一場狂風掃落葉之後就是清場時間，當我在讚烤餅最好味時，我的拍擋就話：吓，咁難食。

後來當我清烤餅時，我發現這塊烤餅有點不同，我便問拍擋頭先食邊塊，因為我吃緊的那塊是硬堀堀的，唔怪得他話難食。

然後閒談時，他們在爆料，原來一眾實習學生為慶祝完成實習期，相約一同去玩，最大問題是他們約的是平日但有份參加的還包括拍擋、ya，及加埋我，即係一齊出走。

點解是加埋我，除了之前我一直未聽聞外，他們在疑惑我和拍擋可否同時不在，於是：

我：今日我地兩個都出左黎，你話得唔得。

實習：咁又係。

我：不過……唔係做野就唔知啦！

……

我：你問下我老細。(我的手指向拍擋。)

拍擋：唔，得啦，無所謂啦！

我：你聽到啦，老細話無問題即係得啦，咁我有份去！

實習：老細……

拍擋：乜你唔知咩！我係老細，因為佢係我秘書。

哈哈，雖然一直都是我明認佢唔否認，但這麼真誠地說我還是頭一次聽，因為每次提起他是我老細時，他都只是笑。如果唔覺得我似阿媽教仔，我長氣些又有乜所謂，最緊要是我們的工作做得好。