今晚是中學同學的碰頭，雖然不齊人，但大家可以傾得比較集中。

絕世好爸：

一個已婚的爸爸談談他湊仔的辛酸史，最後加映仔仔的冧功，再辛苦都值得，簡直係恨死隔黎！

絕世好男人：

遲來的我譜坐下便俾捉著~~

男：你有無覺得我唔同左！

男：我減肥成功。

我：係！又真係喎，無咁大份囉！

男：我企係度仲犀利，連肚腩都無埋。

我：咁勁！咁積極，睇中邊個女仔呀！

男：未喎！不過減左先。

哇哇！絕世好男人呀！咁快就為未出現的另一半著想，好掂呀！

帶女伴的男同學：

鑑於他的女朋友在，所以我無特別撩他傾計，免得刺激到他女友。

而我：

碰巧好男人今日在樂富一間教會工作，便俾問及我教會在哪裡。絕對無錯，你去工作的那裡正正是我的教會。

他不斷地讚嘆，我不斷地解話。無錯！我間教會是很華麗，但我們在供緊的，只是我們願意將最好的獻給神，才決定建這麼華麗的教會。他印象最深的可算是教會的模型，我都想要一個啊！

他又好奇地問基督徒是否一定要揀基督徒。當然是就最好，但亦因個別人與神的關係而以，異地戀都不是每個人都接受啦，始終都有一定的差異！

好爸在這時便插嘴問：

爸：咁你點揀先！

我：現在的我一定要係基督徒！

男：唔係咁點呀！你唔會一識人就問係唔係基督徒。

我：咁你都唔會一識人就拍拖啦！一些成熟的肢體就會提議先傳福音才拍拖。

.......

另一爭議是基督徒教佛學。咦！邊個呀！唔係嘛！以前教我地佛學個miss是基督徒，我都唔知！仲要引起某同學不滿！？

我都話我頭頂又無天線又無飛碟，根本就無接收同發射能力。我還是第一次聽到這事。

好爸話佛學唔代表是信佛教，現在想番轉頭都無乜唔妥。而我就說是個人信仰問題，唔好講別人，就講近些關於我的生活：如果一份工要禮拜日返工，但禮拜日一定要返教會喎，咁你返唔返好？

就這樣終結了此爭議。