飛左兩日的士的我，心情有點沉重。

返到公司大家都顧住睇相及過相，然後ya仔真係將佈道會錄左音給我。

可是，不久就惡夢降臨。

就係被同事質問，但在我來說錯不在我，而我不甘受委屈又再駁嘴了。不過他講到我沒有照顧同事就係冤枉我。

我不是第一次駁嘴，但我最怕駁女同事嘴，因為......小心女人。

好想、好想喊，好hurt呀！但強忍著、強忍著。

過後，心情一切直很down，其他同事叫我我都沒太理會，一直自己在忙。

等了良久，終於都捕到拍擋坐下而身邊無人。

我拿著通告，坐在他身旁給他簽名，

之後，我沒有離開。拍擋想一想，轉身問我：

拍擋：係呢，頭先攪成點？

我：好慘呀！好唔開心呀！

拍擋：咁即係咩事啫？

(我欲言又止。)

拍擋：算啦，你唔想講。

我：我唔係唔想講，我係驚我會喊呀。

拍擋：你講啦！

我：我都話會喊。

拍擋：咁你咪喊囉！

我：哇！唔制，係咁多人面前。

拍擋：我都未話唔制啦！

我：係我喊喎，又唔係你！

拍擋：就係你喊我先慘，係咁多人面前我整喊你喎，我都未驚，我幾冒險！

我：咁又係喎！咁你有無紙巾供應。

拍擋：果度埋邊應該有，嘿得啦！
.
.
.

講完了事情始末後，我拍擋居然氣定神閒地：

拍擋：係咁啦，我都試過唔只一次！

我：但佢講到咁，明明我有做晒野！

拍擋：或者可以坐底諗下點做好d......

(我打斷他的說話。)

我：我唔係要意見呀，我係要發洩，我好傷心呀！

拍擋：你咪發洩緊囉！

(我定一定神，低頭望望。)

原來我打斷他說話時激動到不停地用手拿著的通告狂敲打，但打到的地方是他的手臂。

不知不覺間我由和他並排坐變成轉身向著他坐，好在我拿著的紙不是其他......

晚飯後，收到弟兄的電話，他今日在公司也有激氣野，在他說說的情況下，唔開心的我收工後落了摩士去麥當勞宵夜。

其實買野食時我都不肚餓，但後來越食越開心，哈哈，我都幾易氹。

多謝弟兄杯飲品及關心！

乘車去樂富時是與一實習學生同行，我跟他說今日唔開心要去玩，原來他隱約知道件事，因他在附近。而且大家都一致認為──小心女人，但他也是女仔來的！YES！

心情唔好，仲未覆短訊添！明天我去做賣旗義工啊！一行不知有多少人，分別有我啦、拍擋啦、ya啦、實習學生們啦！我們揀了在中環，希望大家積極參與啦！