今日比原定時間遲了起床，貪睡到成11時才醒。

匆匆梳洗落樓買料，然後便開工。

目標是一個原味+二個咖啡味海綿蛋糕，因留給媽媽吃。

但我的手腳太慢了，最後只能整到一個原味+一個咖啡味。

我還專登切成了正方型，因方便切成一件件小件但又能分得均衡。

因不夠時間攤涼，所以外觀不太美，但味道不錯呢！

返到家見仲有，忍不著又拿了點吃！

除了我的海綿蛋糕外，還有卥水雞翼、咖喱魚蛋、爆谷、腐竹糖水、薯片、蝦條、美心西餅等。

我地個party開足一個鐘，連夠鐘收工的同事都留底了。除了勁影相外，還唱埋歌，主任都有入黎一齊玩，總之就勁開心！

同拍擋熟了後，發現佢都好衰，話說下午1時半左右，收到拍擋的來電：

拍擋：你o係邊啊？

我：o係屋企，不過準備出門口。

拍擋：咁得啦，我諗住睇下你起左身未。

我：吓，咪玩啦，依家先至叫我起身咁無良，唔係嘛，我要辭職啊！

拍擋：算啦！講下笑。咁有冇得食啊！

我：有呀，整左啦！

拍擋：有得食咁就得啦！

佢開始好多野玩了。

2時半左右，主任突然高呼邊個得閒，有份文件送去荃灣，叫大佬、拍擋同我相量下。

但今日我和拍擋都要完成值班表，而大佬又唔想出去，ya又唔去，結果拍擋自動獻身。

而我則默默耕云，用最快時間去攪掂，便同拍擋講由我出去。

佢推左我好多次，甚至問埋主任幾點走，然後又話夠時間，又話我未去過果度好刁轉。而我則打開埋本地圖叫他指給我看都不管用，他說外面橫風橫雨唔好我去，我便答：我唔係小朋友係成年人我懂得照顧自己，你多我咁多野入等我去啦！

他甚至不理我，我還說：你放心喎，我唔係非一般女仔，我識睇地圖，我唔會蕩失路，上次去梨木樹天主教小學夠話難啦，我咪一樣去到。接著，有由外邊入黎的同事說：哇，外面d雨幾勁！

我倆抬頭望望，真係勁左好多，我便隨即說：最衰都係你啦，你睇依家幾大雨，唔係你唔肯講，我上左車啦！

他這時才無奈地指個地方給我，然後解釋一大輪。還有叫我搭的士去，他說有ya仔出$10，ya女出$5，尾數佢包。

搭的士！？去荃灣要幾錢，我便隨口問：夠唔夠？他便說：都話我包，你驚我唔夠錢。

我都唔係諗呢d，之後我繼續說：你都叫我搭的士啦，駛乜驚我搵唔到。

不過最後我都是問了搭小巴在哪裡落車，他答完便吩咐：如果你去唔搭的士，或者你走時先搭，隨得你鍾意。

在我執行裝之時，他將文件拿給我，並遞上一把直遮：攞去用啦！放心啊！好平嫁，爛左番離唔緊要！

剛巧我正執到遮，正在想是否借直遮而不用自己把縮骨遮，除了不方便外，也怕爛了不捨得。而拍擋知我最緊張把遮，因為貴，我間中忘了拿走遮時，實打俾拍擋麻煩他幫我將把遮從遮架收番入位，免得被人借了一去不返。

好感動呀！拿著拍擋的遮、你送的袋、神的眷顧上路去。

一路上都小心翼翼，除了不想弄壞把遮外，更不想弄整自己，因為天氣真係幾惡劣，我唔想拍擋內咎。

沿途不是太大雨，因著布鞋的我都沒有濕襪。

還有乘車去時途經有救護車，正在路旁護理市民；乘車回時途經有消防車，正在處理架空招牌。

而我則能平安地返到中心，就知神是如何眷顧。

返到中心後，雨還是一陣陣的大，感謝主！

準備收工之時，遇著社工同事跟我傾偈，除了講開我的進修外，因他提到我現在比初來時精神左。我便說：點同呢，之前除了返工返學外，加埋失戀呢！

係呀！點同呢，起碼現在我已習慣失戀。不過我跟他笑說我要見社工，我有些找伴侶的問題。

講開失戀時，他問我如果他突然肯跟我返教會咁點？其實我都唔知，我不想想太多，他也認為凡事都有益處。

總括來說，我給了自己一個新稱號：反叛乖孩子，我會是神的乖孩子但性格反叛。