然後過陶大辦公事，塵埃落定後，才在kfc 開飯，唔......美味......不是太，薯格炸過頭，上脾沒味道之餘帶點雪藏味！

乘巴士回中心時超累，居然睡得著。

今日的中期工作評核又要改期啦，因為同事沒有空，改了在下周二。

成晚幾乎沒有在部門，因為幫同事做退書安排，就這樣輕輕鬆鬆過一日，不過仍感很累，像是睡不夠那種累。

收工之際，姊妹來電約食野，他選了在旺角要食粥，便帶了他去海景粥店，因是一至六24小時營業。

估不到這裡除了有粥品外，還有公仔麵、奄列、多士、茶餐廳飲品、意粉、酸辣米線。莫非生意難做，就算是24小時營業，俾我擇都去茶餐廳唔食粥。

其實好想好想整個公仔麵餐，但見只是宵夜好似好誇，於是清清地兼慳慳地來個齋腸+熱豆漿。

唔......個齋腸好好味，唔知係唔係食得多燒賣腸粉果d腸粉，覺得這裡的很新鮮、皮薄夠滑溜。

而個豆漿則好似腐竹糖水的味道，我很少會飲熱豆漿，所以感覺很新鮮。

後來姊妹叫了個蘿白糕，是煎的。煎就煎得好靚，但味道就......超重胡椒味攪到似食緊味精，唔掂！

下次有機會食宵夜，要黎試下其他野食先。

今日條頸唔痛啦！個感覺好舒服，但又有點唔自然，好似身體少左樣野咁。不過這些野不要也吧，希望頸痛快快遠離我！

等姊妹時，在女人街及瓊華行了陣。唔，自己一個人行的感覺好舒服，很無拘無束，好滿足！

雖然平時返工放工都是自己一個，但是為生活嘛，不同這樣行街街消閒。

尼緊依然好忙，依然有很多群居生活，但我想我能應付得來！

好想敷mask！！！！！明天要起來。