我便笑著回應：那不要緊，我去課室門口看看啊！

於是便出去看看，問了兩個在場的男孩都不是他，然後跟導師說聲。便帶著奇怪的心落正門看看！來到門口，課室外沒有，難道指中心正門！

咦，正門外的路旁站著一個男孩，神情和家長形容的一樣〝怯〞，正企定定東張西望。我心裡更感莫明奇妙。為了睇定些，專誠折回課室，再叫一次有沒有這男孩。

這日才第二堂，而男孩第一堂沒有來。

還未到，心中有答案了。再次走到正門，看看，男孩動靜沒變，吸一口氣，行出去，走到男孩前──

我：你好啊！我係這間中心的職員，我姓柯。我搵緊一個小朋友，佢姓x。請問你係唔係姓x啊？

男孩點頭。

我：咁你個名係唔係xx？

男孩點頭。

我：咦！係你啦！你點解企係度，你知唔知自己要去邊度呢？

男孩點點頭，手指指向中心。

我：咁你去果度做咩呢？係唔係去上堂呀！

男孩點頭。

我：咁姑娘帶你去課室好唔好？

男孩點頭。

我：你跟我黎呀！

我們開步走，而我邊行邊繼續和他談話。

我：你記唔記得我姓咩呢？

我：我姓柯。

男孩點點頭。

我：你知唔知自己要去幾多號課室？

男孩：……

我：10……

男孩：108

我：係嘞，108a室。

我：你第一堂無返喎！咦！你無帶文具黎上堂o既！

我：不過你好叻啊！沒有走開，你媽媽打過電話來，所以姑娘知道要搵你。因為你好乖咁企定定無行開，姑娘先致可以搵到你。

到了課室門口。

我：這裡就是了，老師係裡面啦，你敲了門先入去。

男孩伸手敲門，我看到老師點頭並輕聲說：入黎。

我：老師叫你入去啦，門口入去啦！

男孩開門。

然後我和老師做口型說：真係佢黎。

然後我便退離課室。

感覺好奇妙！其實第一眼已經認定是他，但不敢輕舉妄動是怕惹上拐帶之名。皆因他始終是站在中心範圍外，幸好，他沒有走開，雖然他有點膽小，但那刻他是鎮定的。否則他亂走亂撞，我也不知要在哪找回別人個仔。