今次飲茶和玲姐一家鄰桌，因此非常熱鬧，晴恩不時過枱，還跟了我倆落街去買報紙。估不到能一暏傳聞中的巨型珍寶珠，因他哥哥買了給他，他居然帶埋落街飲茶，簡直係攪笑非常！

飲茶後便返了家等黃大仙大姨來拜年，之後我們才過阿婆度。

坐了一陣便走了，因為要趕回mylove屋企。

哇，好熱鬧呀！開了一枱麻將及一枱啤牌，連阿妹都有玩，真高興！

之後有人要食水餃，所以由mylove和我幫手包，嘻嘻，都唔知點包好，都未包過，佢地淨係話包埋就得，淥完個樣唔覺，咁當然唔會整到好難睇。包左數隻後，開始上手，都幾好玩架！淥完出來有饀有皮又真係唔係好覺原本咩樣！除了淥，mylove仲用煎，然後又煎埋蘿白糕。

飯後，mylove帶左我落街行個圈，我們又去左食雪糕。返到上樓就見到開多枱旅行麻將，我便睇下佢表弟打麻將又跟下機打，個孖寶賽車幾好玩嫁！而佢表弟打麻將則好惹笑，所以我留到大圍散場才跟著走。

仲要係跟妙玲姨一家車走，話咁快就到左屋企。