然後原來今晚的戲肉才到，入場前已經勁疑惑的我地，謎團終於有機會解開了，事緣：

susana約了我在尖咀等，打算行街街或食飯先，但怎知我要加班喎！而另一邊廂，susana有同學仔出了來，所以最後在有限的時間相約在m記開餐，因為唔俾我食奄奄會餓死我！這樣就認識了咪嘈及summer，怎知summer奇奇怪怪咁話去洗手間，又好奇奇怪怪咁兜了兩個圈後，發現......多了個人係我們張檯度，他就是阿sing。經坐定定亙相介紹後不久，summer又走開啦，依然是奇奇怪怪，因為夠鐘的關係，不以為然的我們就call summer 到地面門口等，怎知，又多一個人出現呀......他是andy。

一行六人就向文化中心進發，遲了的我們，幸好遇上遲了的大會，因此坐定定後還沒有開場。

散場會合了後，大家決定繼續下場，於是就選了許留山，喎唔行入去都不知裡面頗大。

當我們在嗟咜一輪才叫單之際，summer又再次奇奇怪怪咁行出行入，結果發現原來仲有位來賓on the way......就是vin神。不過話題好快咁去番個show，原來在同一個show都會又咁多唔同發現......仲要係好驚人的。但淨係睇我地幾個都已經好驚人.......

除了自己是玩話劇外，其他人都是跳舞的。不過大家傾得很開心，氣氛很好呀，大家還交換了聯絡方法。

一個非常舒暢的晚上，認識了幾個來自五湖四海的朋友，希望有機會再同大家暢玩過及有機會睇你們自己的表演，因為我都喜歡跳舞，只是我的手腳有點兒......

很高興認識了你們，我叫wink！