點解標題咁講? 今日係8月1日嘛.
暑假咁快就過左一半, 距離高三又近左

之前我去做既暑期工, 可能係老闆娘請我唔起既關係,
又可能係佢唔中意我既關係, 又可能係某員工成日針對我既關係,
或者真係我做得唔好既關係... 做左14日, 就比左千令蚊我反屋企- -...

但係我一d都唔灰心既... 又可以多d時間休息, 多d時間玩,
呢一次就當係一個經驗, 一個教訓啦

雖然冇做野十日, 但係暑期工同我緣未了....
我契媽佢d朋友咁岩未請到人, 所以呢幾日佢會考慮下請唔請我做一個月 ;)
我梗係開始唔洗成日係屋企呆啦...

呢幾日都去左亞洲打機... 唔知點解次次都見到某個人帶住某2,3條女黎打太鼓- -
我去都係多玩高達, 但係失望既係... 好朋友唔想同人挑機唔玩,
一去到多數都係一堆人, 玩足半日都唔肯比人打下關- -
今日... 等到冇人坐係高達種子命運既機台到, 但係係一個陷阱黎- -
當我一入錢入去, d人衝過黎挑機- - 真係ooooo咀- -.... 之後又一班人挑, 唔比人玩啦...
去到睇人玩高達種子命運多.... 都唔比人打下關既... 去親都係打下月姬,
玩下1945... 打幾場太鼓... 咁就2,3個鐘啦....

今日, 一個朋友離開澳門, 去英國讀書, 心情當然係唔係咁開心,
但係都祝佢會有好既前程, 好既生活, 好既學業, 希望放假會反下黎探下我地 :'(